As fins de semana do 27 ao 29 de xullo e do 3 ao 5 de agosto, o 17º Ribeira Sacra propón un festival diferente, no que se mesturan música, viño, gastronomía e patrimonio. Eses son os catro eixos da programación, que propón unha experiencia ao redor da música en directo, do viño, nunha zona de excelencia vitivinícola, e do patrimonio natural e cultural da Ribeira Sacra. Centrado no municipio de Sober, con extensión nocturna na vila de Monforte.
Voces Femininas naceu en 2008 como un espazo no que dar cabida a grandes intérpretes e compositoras de todo o mundo, reivindicando de forma festiva o talento de toda unha xeración de artistas.
Nesta décima edición, Voces Femininas xa é considerado polo público e os medios de comunicación como un festival veterano na escena cultural española. Contará coas actuacións das artistas Lisa Hannigan e Alondra Bentley.
O Museo Centro Gaiás, un edificio que precisamente a moitos visitantes lles lembra á silueta dunha balea, erixirase como escenario de excepción para o Baile deste ‘Entroido Mareiro’. Mariñeiros e mariñeiras, sereas e piratas, pescantinas e mariscadoras, peixes e tritóns, capitáns e sapoconchos… reuniranse este luns de entroido para unha festa digna do mesmísimo Poseidón!
Por quinto ano consecutivo chega a Lugo o festival de música A Candeloria, que este ano amplía a súa duración a tres días. Os grupos que participarán son os seguintes:
O xoves 22 de febreiro: Mafalda, SES, Huntza, Bala e Habelas Hainas.
O venres 23 de febreiro: Satanic Surfers, GHB, Dubiozka Kolektiv, Narco, Skama la Rede, Grim e Agoraphobia.
O sábado 24 de febreiro: Russkaja, Non Servium, No Fun At All, Desakato, Aphonnic, Machina, True Mountains e As Punkiereteiras
O Club Clavicémbalo acollerá un festival benéfico organizado pola ONG Axunica, co obxectivo de recadar fondos para axudar a Nicaragua. No festival haberá numerosas actuacións musicales, entre as que estarán Bátega, Adrián Vigo con David Taboada ou Filophóbicas.
Nesta nova edición de festival, a número 18, participarán Voodoo, Ses, Nao e Rebeliom do Inframundo.
Esta mostra de cine achega distintas curtas e longametraxes de animación, ficción e documental aos públicos menores de 12 anos do concello de Ames.
Cinema Crianza ten dúas seccións competitivas de curtametraxes, Buxainas e Axóuxeres. A categoría Buxainas englobará aquelas curtametraxes dirixidas a un público de entre 3 e 7 anos e cunha duración que non supere os 25 minutos. Pola súa banda, a categoría Axóuxeres acollerá as curtas creadas para nenas e nenos dos 0 aos 3 anos, que teñan un máximo de 10 minutos de duración.
A Cidade da Cultura de Galicia celebra por segundo ano o festival infantil de curtas PequeFilmes.
O Museo Centro Gaiás proxectará unha escolma de traballos —seleccionados coa colaboración do Centro Galego de Artes da Imaxe da Agadic—, moitos deles premiados en festivais de cinema infantil, xuvenil e de animación máis importantes do mundo (Annecy, Chicago ICFF, Animamundi, Animafest, Dresdner Kinderfilfest...).
Tamén se levarán a cabo unha serie de obradoiros formativos cos que a rapazada descubrirá de primeira man o funcionamento do cinema de animación.
57 curtametraxes procedentes de 21 países serán proxectadas na II edición do FIC Vía XIV de Verín. Do 1 ao 10 de decembro, a vila ourensá acollerá este festival, cunha programación que xira arredor de tres temáticas: entroido, fronteira e emigración. Estas se recoñecen con varias seccións propias: Horizontes, de nova creación; Outra Mirada, vinculada ao entroido; e A Raia, categoría galego-portuguesa. A sección Nova acolle a concurso pezas que non teñen cabida noutras categorías.
FESTI= é o Festival de artes pola inclusión cultural, un punto de encontro para que toda a cidadanía teña a oportunidade de coñecer e gozar da cultura sen barreiras.
Este é un festival expandido, con varias citas e proxectos, e cunha data protagonista: o 3 de decembro, Día internacional da diversidade funcional e sensorial. Será unha xornada que terá como protagonistas ás entidades sociais da cidade, e que estará chea de actividades para todos os públicos e libre de barreiras físicas ou sensoriais.
