Volve o Festival Folk de Guísamo, que nesta XVIII edición vai encher de música o campo da feira coas actuacións de Xabier Díaz e Adufeiras de Salitre, Kepa Junkera & Sorginak e A Roda. Ademais, celebrarase unha homenaxe aos Mariñáns de Guísamo.
Antes dos concertos, realizaranse diversos obradoiros e xogos populares.
Campeiras Live está pensado como un intercambio entre mozos e músicos emerxentes do panorama nacional e internacional que conviven, asisten a concertos, realizan clases de surf e gozan da gastronomía e a acollida local nun entorno de natureza e paisaxes únicos.
Este ano contarán coas actuacións, entre outros, de Rural Zombies, Furia Trinidad, Baywaves, Bambikina, Club del Río e Os Amigos dos Músicos.
Máis información e venda de entradas na súa web.
O Festival Intercéltico O Son do Pazo celebra este verán a súa terceira edición e faino cun cartel que inclúe algunhas das grandes referencias da música folk en Galicia, encabezadas pola gaitera Susana Seivane. Airiños do Castelao, Radio Cos, Os Carunchos, Irish Treble e Abóbriga completan a programación.
Esta cita cultural está promovida polo Círculo Cultural e Deportivo Santa Eulalia de Mos, e polo Concello de Mos, e conta co apoio da Consellería de Cultura e Educación.
Este festival de música heavy metal celébrase de novo en Ourense e conta con seis grupos que forman parte das mellores bandas en España. Este evento leva sete anos ofrecendo aos mellores grupos e por iso existe actualmente unha Comunidade Madness que ten beneficios no festival respecto ao resto de asistentes.
O Live For Madneess celébrase o 23 de setembro e a entrada será a partir das 18:30 no Campo dá Feira de Ourense.
Os grupos deste ano son:
Esta é a segunda edición do festival en Ferrol. A este evento acudirán diferentes grupos dentro dos estilos de música indie, pop e rock. O acceso é totalmente gratuíto e o será a partir das 21:00 no Parque Reina Sofía.
Este festival nace no ano 2003 nun pequeno pobo e conta coa colaboración da poboación para a súa preparación. Nun principio nace como unha pequena homenaxe a un guitarrista do lugar chamado Félix García Beceiro que falece anos antes.
Co tempo, o festival vaise facendo máis coñecido na comarca e nos arredores e cada ano acolle a máis visitantes que acceden coa intención de gozar dos mellores grupos de rock do momento.
É un novo festival en Cambados que nace pola nova denominación como Cidade Europea do Viño. Este evento créase pola forte demanda do público máis novo, que pide un evento cun estilo diferente. Neste espectáculo poderemos gozar de diferentes artistas musicais.
O evento comeza ás 12 da mañá do venres 9 de setembro e dura todo o día. Os menores de 16 anos poderán acceder ao recinto gratuitamente, acompañados dun titor legal.
Sábado 9 de setembro:
Ponteareas será un ano máis o epicentro galego da música clásica, gracias a o Festival Rogelio Groba. A Orquestra de Cámara Galega será a encargada de abrir e de clausurar o festival, no que participarán recoñecidos intérpretes procedentes de diversos países.
O Festival será o espazo para as estreas de pezas dos compositores Rogelio Groba e Luis Álvarez Cabado. A organización ofrecerá tamén clases maxistrais cun repertorio específico para violonchelo.
Tras dez anos de edicións, Riós acolle un ano máis o seu Festival de Artes Escénicas. No programa haberá cine, humor e gastronomía para todos os públicos repartidos por diferentes escenarios do concello. A Praza do Concello ou o Centro Cultural de Riós serán algúns dos espazos nos que se poderán ver documentais, películas ou espectáculos de humor. De xeito paralelo, celebrarase o Gastroñam, un evento gastronómico no que a castaña é a protagonista.
De Vacas, Ruxe Ruxe e Chotokoeu son os grupos que forman o cartel do III Xostra Rock, o festival que un ano máis levará a música galega á Praza Maior de Viana do Bolo. Ruxe Ruxe poñerá o rock, Chotokoeu o folk e De Vacas, que encabezan o cartel, as versións de cancións populares. O grupo fai versións en galego das cancións que encabezan as listas da radiofórmula, como poden ser o Single Ladies de Beyoncé ou o Despacito de Luis Fonsi, pero cun toque distinto.
