A terceira edición de Terra Máxica terá lugar do 16 de marzo ao 22 de abril en diversos escenarios de seis concellos da provincia de Ourense: Allariz, A Rúa, Baños de Molgas, Barbadás, Viana do Bolo e Verín.
Terra Máxica comeza este ano en Allariz cunha charla formativa do Mago Teto, A incrible historia da maxia. O domingo 18 o Mago Teto estrea, tamén en Allariz o seu novo espectáculo Alquimia.
Durante catro días, o Teatro Principal de Santiago acolle un completo programa de recitais, conferencias, diálogos e proxeccións que reúne algunhas das voces máis singulares e importantes da poesía galega e internacional, desde María Xosé Queizán a Olvido García Valdés, pasando por Andrew McMillan, Raquel Lima, Estíbaliz Espinosa, Olga Novo ou Niño de Elche, creador revolucionario do cante flamenco que traerá a Compostela o seu impactante espectáculo poético, exhibido só de forma esporádica.
Terceira edición do festival organizado polo colectivo La Melona, de Santiago de Compostela. O evento completa a programación musical, na que participan artistas de Galicia e doutras cidades de España e de fóra do país, cunha serie de actividades paralelas, entre as que haberá proxeccións, programación didáctica e contidos audiovisuais.
Festival Nun Local é un festival multidisciplinar que pretende fomentar as artes locais a través dunha simbiose co negocio pequeno; cultivando artistas, creando públicos e dinamizando barrios.
Desde 2014, en tres edicións teñen participado máis de 400 artistas en 123 escenarios de todo tipo; bares, panaderías, ferraxerías e mesmo unha inmobiliaria. Durante uns días, o barrio transfórmase en festival. As artes en todas as súas formas a pé de rúa, no bar de sempre, na peixaría —os escenarios das nosas vidas.
O festival empezará con Antonio Tato, que presentará os temas do seu primeiro disco Snakes, Sailors & Fire nun concerto gratuíto no MoMo. Xa na sala gozaremos desde as 22:00 h da primeira parte da pinchada de Rapariga dj / The CONAS dj, que tamén porá temazos entre os conciertos e ao final da festa. Ás 22:30 h darán comezo os concertos con Pardo, que presentará xunto á súa banda o disco Libélula, para deixar paso a The Kleejoss Band, unha das bandas máis en forma do panorama nacional e que chegan desde Zaragoza para presentar o seu alabado Inception.
O Monte do Gozo acollerá o festival O Son do Camiño, que contará coa asistencia dunha trintena de artistas internacionais e de grupos galegos de referencia. The Killers, Lenny Kravitz e Jamiroquai serán os cabezas dun cartel para o que tamén están confirmados Martin Garrix, Two Door Cinema Club, Franz Ferdinand, Mando Diao, León Benavente, The Gift, C. Tangana, La M.O.D.A., Carlos Sadness, Toundra, The Last Internationale, Talisco, Morgan, Rufus T.
O Festival internacional de narración oral Atlántica cumpre seis anos cunha edición que leva a distintas localidades galegas as narracións de artistas de terras tan dispares como Camerún, Brasil, Madeira, Jaén, Tenerife, Madrid, Salamanca, Zamora e Valencia, xunto cunha importante representación de contacontos de Galicia.
Son seis días de programación con actividades de narración oral de distintos tipos e para públicos infantís e adultos que se reparten por teatros, auditorios, escolas e rúas.
Nova edición do Enxebre Swing Festival, un evento de catro días no que se mesturan clases de lindy hop para iniciados e xente sen coñecementos previos con festas, concertos e outras actividades arredor da música de tipo swing.
Por terceiro ano consecutivo, Ribadavia acolle o Ukp Day!, un festival de arte, música, gastronomía e DIY no que o ukelele é o gran protagonista. O programa conta con exposicións, obradoiros infantís, intervencións artísticas, charlas, mercado creativo e feira gastronómica.
É un festival para tódolos públicos.
A banda de indie rock Niños Mutantes trae a Galicia Dez, o seu novo álbum. Un disco sólido, salvaxe e poético sobre a balada dun home que non lembraba que era libre.
Escenarios Mahou é un ciclo de concertos repartidos polas salas máis emblemáticas de Asturias, Salamanca, Valladolid, Galicia e Madrid.
