Festival

Os barrios da Madalena e A Oliveira de Ribadavia acollen a edición número 12 de Arteficial, un festival xurdido da asociación do mesmo nome que ten como obxectivo potenciar novas actividades e mesturar diversas formas de expresión cultural dende unha postura actual e innovadora, atendendo á demanda da xuventude en xeral.

Este festival musical e interdisciplinario celébrase no conxunto histórico de Ribadavia. A proposta reúne actuacións musicais de grupos non habituais no circuíto de festivais de Galicia con outras actividades, como exposicións plásticas ou mercado das sementes. 

Celanova acolle outro ano máis o Festival Hércules Brass, unha iniciativa que conxuga unha clara vocación didáctica, con clases maxistrais con mestres e mestras de trompeta, trombón, trompa e tuba, co afán divulgativo, grazas aos concertos de intérpretes de instrumentos de vento-metal.

Festival no que se poderá gozar da música tradicional con varios colectivos da asociación (Cantareir@s.comTIGO, Bailador@s da vida, Pandereteir@s da paz) e o grupo Parabéns.

O colectivo Recitador@s de soños achegará a poesía de María Victoria Moreno.

O festival Folk in Río chega á súa undécima edición. con máis cantos de taberna, feira de artesanía, xogos populares, xantar campestre, animación infantil, maxia, concertos e moita troula. Coa actuación de Ultreia en sesión vermut e os concertos das bandas folk Carapaus, Ardentia e Tiruleque.

A XXII edición do Festival de Jazz de Primavera achegará a Ourense 11 grupos e solistas de primeiro nivel, como os saxofonistas Bill Evans ou Kenny Garret, nunha edición que aposta pola mestizaxe con outras músicas como o flamenco.

Eduardo Rodríguez, do Café Latino, destaca que este ano o Festival aposta por tocar moitos paus musicais e que o gran número de participantes levou aos organizadores a alargar a cita a dous meses, cun concerto por semana.

Lugo é tradicionalmente unha cidade amiga da música, e durante todo o ano goza dunha ampla e diversa oferta na que colaboran moitas institucións que promoven un gran número de concertos. Pero é na primavera cando florece o Festival de música Cidade de Lugo, tradicionalmente chamado Semana de música do Corpus Lucense, que xa vai pola súa cuadraxésima sexta edición, e que ofrece unha serie de concertos de moi alto nivel que constitúen unha referencia importante para a afección melómana de Galicia.

O Parque Municipal do Carballiño acollerá o 21 de setembro a segunda romaría rock que se celebrará en Galicia. O evento, que será de carácter diúrno e para todos os públicos, toma das tradicionais romarías galegas o espírito de veneración e aplícao aos máis grandes da historia do rock.

O festival chega á súa 36 edición cun programa moi especial, cheo de concertos, obradoiros, conferencias e recitais.

O Festival Internacional de Cine Inclusivo de Vigo celebra unha nova edición profundando na súa vocación de conxugar entretemento e sensibilización, cunha aposta de contidos audiovisuais e programación paralela coa que ampliar as miras do público e a cidadanía cara colectivos en situación de inferioridade. 

Esta terceira edición ten un dos temas principais o autismo. Así, o mércores 2 e o venres 4 pola mañá, o festival contempla unha serie de sesións escolares para dar visibilidade ao autismo, coa proxección de Atypical e as charlas de TEAVI e Autismo Vigo.

O concello de Ponteareas desenvolve do 26 ao 29 de abril a segunda edición de Ponte a Portu-Gal, que busca amosar as expresións culturais comúns que unen a Galicia e Portugal e a converten nunha zona de desenvolvemento social e cultural compartido.

Programa

Xoves 26 de abril, 20 horas, auditorio municipal: inauguración da exposición Historia dunha emigración difusa. 500 anos de emigración a Lisboa