Festival

Dez meses despois dos incendios que arrasaron gran parte do patrimonio natural de Vigo, o festival Ecosons, un festival de música para as árbores en formato romaría, quere, de forma simbólica, pechar o círculo e devolverlle á natureza a música que esta permite facer. Máis que iso, Ecosons quere ser un punto de encontro entre a música e a natureza desde diferentes perspectivas e disciplinas. Un espazo para apoiar a concepción, a produción e a consolidación de proxectos sustentados no respecto e no coidado do natural para todos os públicos.

O festival Vigo SeaFest mantense fiel á súa vocación de converterse en lugar de encontro e de lecer para toda a familia, ao redor dunha proposta gastronómica complementada cunha completa programación de showcookings, concertos diúrnos e nocturnos, talleres familiares, actividades deportivas, espectáculos escénicos e de animación na rúa, así como cunha ampla área de exposición onde se dará cita o complexo mar-pesca.

Dentro das actuacións musicais, destacan as de Morgan, Gigi McFarlane e Patricia Moon.

A zona da Mariña acolle o festival ARTY Life, un evento cheo de música, arte, comida, mercadiños, e moito máis.

As bandas Smoke, Nadine e Everet tocarán en directo para todos os que se acheguen a esta zona da cidade herculina.

Ademais, haberá un espazo adicado aos máis pequenos da casa.

Bueu acolle un ano máis o seu Festival Internacional de Curtametraxes de Bueu, que tivo en 2008 a súa primeira edición. 

O festival é un espazo de difusión da cultura cinematográfica en formato curto, no que non só se intenta posicionar o cine local, senón tamén o internacional. Ademais, tamén conta cunha sección especial dedicada ao cine creado por escolares.  

Diferentes espazos do Casco Vello de Vigo acollen o festival PoemaRia, un encontro de poesía no que haberá documentais, teatro, recitais e charlas sobre a poesía. 

As poetas Elena Medel, Dores Tembrás, Andreia C. Faria, Anamaria Crowe Serrano, Miriam Ferradáns, Elisabete Marques, Cyntia Menéndez e Nuria Vil e o poeta Diego Carracedo serán os participantes. 

O Festival Costa dos Castros nace da unión dos intereses de Costa dos Castros e a Asociación Minho Reggae, un colectivo que conta con máis de seis anos de experiencia en produción e xestión de festivais e eventos musicais e deportivos.

O festival Costa dos Castros é un evento sociocultural centrado na música e nas representacións artísticas, que mestura a distintos colectivos e asociación culturais de Galicia, España, Portugal, Brasil, Europa, entre outros, co fin de difundir o folclore e a súa filosofía.

O Festival Aturuxo é un encontro folk que se celebra en Bravos dende hai sete anos, organizaro pola Asociación Cultural Recreativa e Deportiva Aturuxeiros de Bravos.

O programa deste ano é o seguinte:

Venres 20

20:30h

Actuación de Andarivel

Cea con racións de paella

Foliada libre

Sábado 21

13:30h

Sesión vermú concerto

Xantar

17:00h

Xogos interxeracionais

Antros Pinos é un festival que nace no ano 2008, e conta con entrada e acampada de balde.

Este ano celebra a súa XI edición, e contará coas actuacións de Ruxe Ruxe, Vadebo, Zënzar, Skama La Rede, Ezetaerre, Cuarta Xusta, Orquesta Neverloura, enxebre, Pichadiscos Ferromona e De la Cruz Show.

Rock in Río Tea é un festival con entrada de balde no que este ano as cabeza de cartel son os Gran Cañón, banda integrada por recoñecidos artistas do panorama nacional como Carlos Tarque, líder de M-Clan, Leiva, Julián Maeso, Ovidi, Iván Chapo e Prisco.

Tamén actuarán Stoned At Pompeii, Met, Alumnos do CDM Rock School, The Parrots, Trebutalina, Basanta, Her Name Was Fire e Atomic Lemons.

O festival SilFest Valdeorras regresa cunha nova edición na que haberá música, cine, poesía, gastronomía e moito más.

As actuacións musicais serán dos grupos e artistas Varry Brava, Dinero, Grises, Nunatak, The Parrots, Presumido, Inerttes, The Handicaps, Los Íñigos, Sr. Jingles, Azor 91, Fixemberg DJ, Neme & Peter DJ, Magín Blanco e Kote Malabar.

Haberá proxeccións de cine ao aire libre das películas The Greatest Showman e Coco.