Agora pódese percorrer lugares do planeta sen necesidade de saír de casa. No centro de interese da Biblioteca Pública da Coruña Miguel González Garcés atópanse guías de viaxes, narrativa de viaxes, libros de etnografía e costumes, libros de ficción de autores de distintas nacionalidades, DVDs, CDs de música rexional e outros elementos.
Do 5 de xuño ao 30 de setembro. Vestíbulo da biblioteca.
Santiago de Compostela acolle a Semana do Libro de Compostela (SELIC), da que este ano se realiza a segunda edición. A SELIC conta cunha programación relacionada co libro, non só con postos de exposición senón tamén con presentacións e sinaturas de libros, con paseos literarios que seguen a escritoras e escritores galegos pola cidade ou con actividades infantís. A programación contará tamén coas sesións OFF SELIC, os venres e sábados tras o peche da feira, e cun programa de actividades infantís.
Póvoa de Varzim será a cidade convidada.
Do 2 ao 31 de maio de 2018 na sala de exposicións da Biblioteca Pública de Pontevedra.
Mostra bibliográfica elaborada co gallo das Letras Galegas.
En 2018 adícanselle o Día das Letras Galegas a María Victoria Moreno. É a cuarta muller homenaxeada nos 56 anos que se veñen celebrando as Letras Galegas, as outras tres foron Rosalía de Castro en 1963, Francisca Herrero Garrido en 1987 e María Mariño no ano 2007.
Neste ano, e neste mes, queremos recordar o que foi o movemento e o espíritu de maio do 68 - en Francia, no mundo e tamén en Galicia - cunha mostra na que exporemos os materiais que conserva a Biblioteca sobre este importante feito do que este ano celebramos o 50 aniversario.
Mostra bibliográfica: Homenaxe a María Victoria Moreno
Mostra cos documentos que conserva a Biblioteca relativos á autora homenaxeada no Día das Letras Galegas 2018
Do 15 ao 31 de maio, na planta baixa
Mostra da obra dos tres últimos autores homenaxeados nas Letras Galegas: Xosé Filgueira Valverde, Manuel María e Carlos Casares.
Do 7 ao 31 de maio, na planta baixa
A sexta edición do mercado profesional de artes escénicas Galicia Escena PRO ofrecerá do 11 ao 14 de xuño en Santiago os novos espectáculos de 17 compañías galegas de teatro e de danza. A programación completarase cunha sesión de pitching na que outras 10 formacións explicarán os seus proxectos para a vindeira temporada, ademais de con dúas montaxes procedentes de Madrid e cunha serie de actividades paralelas.
Os espazos serán o Auditorio Abanca, a Fundación SGAE, o Salón Teatro e o Teatro Principal.
Diferentes ubicacións na cidade de Ourense e en diferentes puntos da provincia acollerán a ICC Week, a feira das industrias culturais e creativas, que dividirá os seus días entre varios grandes temas. Os mundos deseñados, o patrimonio rupestre, o humor e a cultura, a creatividade e o sector TIC, a xestión cultural, o sector audiovisual ou a supervivencia na 'xungla' dixital serán os elementos sobre os que xirarán os relatorios, mesas redondas e demais actividades.
Ademais, a ICC Week contará cun apartado especial para nenos e cunha sesión para gamers.
No marco do Mes do Libro, no Modus Vivendi organizan cada mércores de abril (a partir do 4) un mercado literario, no que se poderán mercar libros de segunda man, revistas antigas e similares. Ademais, tamén inauguran un espazo de troco de libros.
O programa complétase cunha serie de actividades literarias, cada mércores ás 21 horas.
MOSTRA BIBLIOGRÁFICA Premios literarios
Do 2 ao 30 de abril, na Planta baixa
