Espectáculo

Somdolilá é unha batucada feminista de mulleres que usan a música como ferramenta de sororidade, alegría e loita. Celebran ocupando o espazo sonoro e recuperando a memoria das que combateron antes que nós. 

En 2021, o Taller de Teatro Clámide celebra o seu 40 aniversario, con diferentes actividades e publicacións. Clámide preséntanos unha versión moi particular de O Enfermo Imaxinario, comedia francesa en tres actos, escrita polo dramaturgo francés Moliere e estreada en 1673. Un pai hipocondríaco crese moi enfermo e quere casar a súa filla cun médico, mais a criada, en complicidade co irmán do pai, artellarán un complicado e divertido plan para impedilo. 

20 anos de espectáculos, 20 anos de gags e sketches, 20 anos de humor, 20 anos de gargalladas e 20 anos de amor polo teatro condensados en 80 minutos de risas para celebrar que, quizais como dicía a canción, 20 anos non son nada. 

Compañia: Dous son Compañía.

A máquina do tempo é un espectáculo participativo que ilustra de xeito ameno e pedagóxico a historia das civilizacións.

Coa axuda dunha sorprendente escenografía, a doutora Mon (Montse Piñón) e o seu axudante Pe (Pepablo Patinho) levarán os nenos e nenas a facer un apaixonante percorrido pola historia.

A máquina do tempo chegará este verán a cinco concellos da Rede de Dinamización Lingüística: Arzúa, Aranga, A Bola, Lalín e Xove.

Trátase dunha implacable recompilación dos mellores monólogos de humor de Luis Piedrahita, os máis coñecidos, exitosos e divertidos. Unha ocasión única para gozar en directo do enxeño dun dos humoristas máis recoñecidos deste país.

Non queremos ocultar que deste espectáculo díxose  que é un dos máis divertidos, intelixentes e poéticos deste século. O que si queremos ocultar é que foi o propio Piedrahita o que o dixo.

Un espectáculo en vivo, fresco como o osíxeno e necesario como o osíxeno.

Proposta baseada nunha mestura de espectáculos de baile e música tradicional en teatros e espectáculos de animación de rúa que contribuirá á difusión e divulgación dunha parte esencial da cultura de Galicia.

Terán cabida as sesións musicais e actuacións en directo realizadas polo alumnado participante nos talleres de "Dj Inclusivo", actividade dentro do programa Cultura Inclusiva da Fundación Emalcsa, e que Negus leva impartindo este ano en entidades coruñesas como: Down Coruña, CASCO, Artefios, Fogar Sor Eusebia, APEM e no Centro de Menores Concepción Arenal.

Para dar paso a "Un sofá para soñar", proxecto de Asprogana onde escoitaremos soños que se farán realidade e contarán coa actuación en directo do madrileño Kano Sunsay, nova promesa da escena do rap e reggae nacional.

Oswaldo Digón (San Román de Cervantes, Os Ancares, Lugo, 1975) cómico e actor galego.

Un galego con moito prestige, eche o que hai (é o que hai) Ou sei que non oes (a ver se te enteras). Actor de teatro e monologuista con retranca, é dicir, non sabe se sobe ou baixa, ademais, sofre nostalxia lembrando os 80. E é un semental que chora por calquera cousa. Nota: todo é froito de ser membro da peña alcol dos 90.

“TOP MANTA”

Con:

• Suso Pando
• Manuel Pombal
• Paulo Medal
• Marcos Alonso
• Dirección:
• Manuel Pombal

SINOPSE:

TOP MANTA, cóntanos unhe serie de historias, vivas, cercanas e case verídicas, nas que o humor se funde co teatro para facernos estoupar coa risa. As distintas situacións que se presentan, ofrecen sorpresas continuas, que nos farán sair do teatro eufóricos, felices e con ganas de volver.

"TOP MANTA" un espectáculo para rir e rir e rir por non chorar, chorar, chorar… de risa, claro.

Comenoites baséase no conto infantil escrito e ilustrado por Ana Juan (Premio Nacional de Ilustración). Unha fermosa historia coa que os nenos e nenas descubrirán os misterios da existencia do día e da noite.
Comenoites é un trasgo barrigudo ao que lle encanta comer a noite para que o Sol poida raiar día tras día, traendo luz, calor e cor para todos.