María Faltri é un dos novos nomes de referencia dentro da música infantil galega, a vocalista da Banda dos Abrazos de Magín Blanco chega agora cun espectáculo orixinal e sorprendente: Unha picadiscos de música infantil. Durante o seu espectáculo María brindaralle aos nenos e nenas unha elección da mellor música infantil galega para que non deixen de cantar e bailar.
Carman, antes é mellor é unha comedia rueira, un divertido espectáculo para todos os públicos no que un coche icónico na mobilidade cobra vida e terminará por conducir sen condutor nunha rutina musical e circense que pode levalos a Eurovisión.
Adaptable a moitos espazos escénicos pode ser representado en prazas, parques, parquins, cruces, carpas, etc, está considerado un espectáculo de circo, clown e a manipulación de obxectos, convertendo a este coche en case unha marioneta.
Dificil escoller pero Carlos Blanco decide revisar algúns dos seus máis coñecidos monólogos.
As bravas de Arousa (Queres Kiwis), A dobraxe porno, Galizara, As grandes frases das nosas avoas e avós...
70 minutos de risas garantidas, porque Carlos introduce ademais cada noite elementos de actualidade e improvisación.
Carlos adapta, xoga, fai jazz coa palabra e resulta imprescindible nestes tempos onde a risa é algo máis que terapéutica.
O mellor do mellor.
Os monólogos escollidos de Carlos Blanco.
Cantigas dá Terra conmemora co seu público os seus primeiros rexistros sonoros que fixo en 1921. O coro coruñés, a través deste espectáculo, reflexiona sobre si mesmo e sobre o seu desenvolvemento ao longo dos anos. para iso, ademais de contar con todo o elenco da entidade (Coro, Grupo de Gaitas, Grupo de Teatro e Corpo de Baile), poderemos escoitar de novo, no formato orixinal, aquellasl primeiras gravacións de 1921.
Realizaremos unha pequena mostra de como era a vida no século XIX e comezos do XX no rural galego, pasando polos diferentes ciclos do ano e tamén da vida (cantos e bailes de matrimonio, nanas, de arriero?).
Houbo un momento no que o tempo non custaba diñeiro, custaba só o traballo ben feito, o labor útil, ou o froito que daba a terra ben tratada. Os oficios e traballos, pegados á terra, eran unha filosofía de vida, marcas de pertenza á comunidade, eran a vida mesma que sempre ía acompañada de música.
Pakolas: Cores, contos e rock and roll chega da man de Pakolas como un espectáculo de pequeno formato onde a interacción coas nenas e nenos, a súa música acompañada por contos e historias, e as cores e debuxos en directo de Laura Romero son o principal atractivo para o público. Esta proposta multidisciplinar crea así unha escena na que non so se pode gozar da música, senón tamén do debuxo e as cores que a rodean. Un espectáculo para todos os sentidos.
Fantasía coas palabras é o primeiro libro disco de María Faltri e Jorge Juncal. Unha proposta para aprender o abecedario dunha maneira orixinal e divertida. Jorge Juncal é músico con anos de experiencia como acordeonista en diversos grupos folk do país: Anubía, Macfeck, Faltriqueira ou Beladona. María López é compoñente do grupo vocal Faltriqueira, formación que leva mais de 15 anos percorrendo escenarios nacionais e internacionais. Ambos músicos forman parte da escena infantil musical e teatral dende hai máis de 5 anos.
“Canta miña pedra canta”, un espectáculo familiar dirixido a nenos e nenas de 5 a 12 anos que levarán adiante o músico Xoán Curiel e a contadora Charo Pita, baixo xestión da Editorial Galaxia. Xoán Curiel volve ao Falaredes acompañado nesta ocasión da narradora e contadora Charo Pita. A actividade vira ao redor dos relatos populares galegos e de cancións que don Antonio Fraguas, a quen este ano se lle dedica o Día das Letras Galegas, recolleu nas súas Aportacións ao Cancioneiro de Cotobade.
Ópera Break´s é un espectáculo que mestura Ópera, Breakdance, Beatbox e Dj nunha única función de gran calidade artística que brota da conexión da soprano Esperanza Mara e os artistas urbanos do colectivo Vella Escola. Contan unha historia a través da expresión musical e corporal. Rompen as barreiras do clásico e do urbano, fusionándose nun espectáculo multidisciplinar onde o inimaxinable pode suceder… Atréveste a liberar a túa mente de preconceptos?.
Papabuis comeza unha viaxe que é unha promesa familiar. Percorrer “O camiño de Santiago”. Nel vivirá catro aventuras nas que descubrirá as claves para atopar un tesouro agochado no mesmo corazón das persoas: a linguaxe universal a través da cal todas e todos podemos conectarnos e crecer como comunidade.
