A Bruxa é unha invocación aos elementos. Unha palabra máxica. Un lanzamento. Un espectáculo ritual que convida o público a vivilo.
No interior, Ela-Actress, Ela-Menciñeira e Ela-Witch entrelazan as súas historias a través da palabra, a imaxe e a acción para terminar nun baile catártico que os levará á fogueira (ou non). Pois as tres son unha. E unha son as tres.
A Inquisición observa, pero neste ritual, o público é soberano.
Guerrilla. Un evento que por primeira vez encherá a vila de artistas referentes da cultura máis comprometida e social. O obxectivo: poñer en valor as loitas sociais e culturais históricas que se articularon no noso país e demostrar que non están mortas. Guerrilla é o vivo exemplo de que desde todos os recunchos de Galicia e do resto do mundo están a facerse pequenas accións culturais para construír unha sociedade xusta para todos e todas.
Cun olliño aberto e o outro pechado os golfiños dormen, sempre atentos, dispostos a saltar en calquera momento e chegar ás nubes máis altas cos seus brincos, buscando o seu soño… Neste espectáculo Os Golfiños viaxarán por un mar de músicas cun repertorio moi variado, cantando novos temas e lembrando as súas cantigas de sempre. Enriba do escenario, unha guitarra, un teclado e a voz de Elena Paz.
O esforzo constante de gañarse a vida é unha performance onde trato de traballar o mínimo, o xusto e o que eu entendo por razoable. Vou contar o que penso da disciplina, do traballo do bailarín e do secuestro do noso tempo. Vou contar como sente ao repetir durante oito horas ao día a mesma acción nunha fábrica ou como queda o corpo ao bailar o mesmo espectáculo durante cinco anos.
Suspensión é o momento en que todo pode pasar, o momento en que podemos ceder á gravidade ou tomar decisións distintas, o momento en que unha pelota queda flotando e con iso, todos no escenario contemos o alento. O momento de Suspensión
Este 2021 cúmprese o oitavo centenario do nacemento de Afonso X, o rei sabio, o que compuxo en galego as Cantigas de Santa María, unha das obras cume da poesía e da música medievais europeas.
Como parte da celebración deste acontecemento, o programa de dinamización lingüística FalaRedes propón, entre outras iniciativas, Sabios, xogos e xograres. Ambientada na época do rei-poeta Afonso X, a actividade inclúe unha presentación inicial, un obradoiro de xogos medievais e unha competición de xogos ao vivo.
Un espectáculo ao aire libre co motivo do Xacobeo 2021como fondo no que dar visibilidade ao noso folclore para conmemorar este ano e dinamizar o uso da lingua e por en valor os nosos cantares e músicas tradicionais.
Espectáculo en homenaxe a Xela Arias, á quen se lle adicou o Día das Letras Galegas 2021. Música, poesía e fotografía únense nun evento con nove mulleres sobre o escenario: cinco integrantes da Banda da Loba e catro poetas.
Pakolas nos presenta o seu último libro-cd e conta e canta a historia de Ramona, unha muller labrega e científica do Courel que posúe unha horta cibernética e ademais ten unha máquina do tempo, o seu mellor invento, coa que viaxa ao futuro e ao pasado na procura de tecnoloxía para crear un mundo máis ecolóxico. Todo co seu estilo rockeiro que entusiasma ao público de Pakolas.
No salón de actos. Para público familiar. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.
A Biblioteca Pública de Santiago Ánxel Casal súmase á celebración do Día das Escritoras e acolle, no marco da súa programación de outubro, o recital Palabra de Muller no que baixo o tema "Ler as idades da vida" leranse textos das escritoras homenaxeadas este ano.
