Espectáculo

Todas as verdades absolutas serán desmontadas neste novo espectáculo. Durante 90 minutos presentaremos un novo produto revolucionario que te fará cuestionarte todo o que coñeciches ata o de agora: Avangelio.Vivimos nun mundo que se sustenta desde a mentira, mintennos desde que somos pequenos e as maiores precursoras deste engano global, son as nais.Esta afirmación é totalmente demostrable, só hai que pensar todas as veces que as nosas nais nos dixeron: "colle unha rebequita que logo refresca" e nunca refrescou.

Ignatius Farray, no seu show ‘A comedia salvou a miña vida’, contará de corazón as súas vivencias e opinións coa fe de que a risa, tarde ou cedo, chegará. Con máis de 12 anos facendo Stand-up Comedy, segue pensando que ese é o estilo máis xenuíno e verdadeiro de facer comedia, precisamente pola implicación persoal que se supón que hai que ter coas cousas que se din ou se contan arriba do escenario.

Mantendo a estrutura, o estilo, e as intencións “didácticas” que sempre caracterizaron a este dúo, PIROLÍTICOS é esencialmente unha guía para orientar ao público sobre as novas masculinidades de sempre e conseguir (no caso dos homes) unha correcta pirólise en 10 pasos sinxelos. Ao igual que os fornos modernos, é necesario conseguir un estado de “baleiro total” para poder comprender e asumir os novos conceptos que o Feminismo achegou nas últimas décadas.

Ola!

O meu nome é Estrela e veño desde un lugar moi afastado para traer unha mensaxe: Jesús, o fillo de Deus, naceu!

Encomendáronme a miña primeira misión desde que saín da Academia de Estrelas Fugaces e? É moi importante!

Teño que atopar aos tres Reyes Meigos: Melchor, Gaspar e Baltasar, para levalos ante o pesebre onde se atopa o neno Jesús, xunto aos seus pais, María e José.

Queredes acompañarme nesta GRAN AVENTURA?

Teremos que pasar diversos perigos e ter moito coidado co malvado Rey Herodes, pois quere ser o máis poderoso en toda Judea.

Estambre e Bastille: el un cesteiro, ela unha exploradora, están no medio da nada. Unha árbore, un camiño, os seus cestos, a súa memoria, os seus pensamentos e emocións é o único que os rodea e acompáñaos nunha viaxe na que non se moven fisicamente, pero que lles fará atopar a quen entregarlle o seu tesouro. Á calor do cancioneiro é un espectáculo no que dous personaxes buscan quen lle entregue un tesouro composto polo noso cancioneiro tradicional.

As 4 estacións xa non son o que eran!!, é un musical familiar en formato de comedia climatolóxica a partir da música universal de Vivaldi.

Teatro Che e Moche, a través do seu orixinal e peculiar maneira de vivir un concerto, convida o público a ser testemuña dun verdadeiro furacán escénico-musical, onde todo o inesperado e imposible convértese en verdadeira maxia e ilusión.

Jorge de Arcos e Santi Prego tentan parar o mundo coas suas historias improvisadas. Ás veces dan certo, e hai un momento altamente poético. Pero é máis divertido cando fracasan.

A KIND OF MAGIC SHOW: un brinde ao insólito! é un espectáculo de maxia que se realiza no Pub Atlántico, onde poderás consumir bebidas e participar de forma distentida dunha divertida velada con maxia nun lugar emblemático da zona vella de Santiago que se atopa fronte ao Museo de Maxia. Segundo o día, actuarán Kiko Pastur, Joshua Kenneth, Román García e outros ilusionistas profesionais.

Chega ao TEATRO AFUNDACIÓN DE VIGO a versión en vivos e en directo do podcast menos aclamado do momento O meu ano favorito con Dani Rovira e Arturo González-Campos. Unha viaxe, a través da comedia, polos acontecementos ocorridos nun ano que fose especialmente destacado para cada cidade que visiten. Ademais, coa participación do público, compartirán os recordos dese ano entre todos e todas. "O meu ano favorito" é un espectáculo de improvisación, recordos e moita broma. Non prometemos rigor, pero o das risas tampouco.

Co gallo do 20 aniversario do pasamento do escritor e premio Nobel Camilo José Cela, a Fundación que leva o seu nome quere lembralo cun Encontro Extraordinario con autoras e autores. Contaremos coa presenza de Antonio Álamo, Gabriela Bustelo, Lola Beccaria,  Carlos Castán, Celso Castro, Estíbaliz Espinosa, Lucía Etxebarría, Óscar Esquivias, Xesús Fraga, José Miguel A. Giráldez,  Gloria Méndez, Toni Montesinos, Fernando Ontañón, José Antonio Ponte Far,  Blanca Riestra e Ángela Vallvey.