Fascinante recorrido musical renacentista da man de mestres de capela viaxeiros, con músicas que dan fe da mistura musical na Europa do século XVI.
As obras do programa son na súa maioría do Cancionero de Segovia, recompilación iniciada para o uso da Corte de Isabel La Católica, e unha das mellores mostras do devir viaxeiro da música.
"Mai Mai" é a historia do último oso panda do planeta e a súa loita por sobrevivir, a falta de alimentos e os problemas provocados polo quecemento global. Este espectáculo está dirixido a un público familiar a partir de 5 anos.
Unha muller forte e emprendedora e un famoso fotógrafo comezan unha viaxe separada para atopar o último Panda do planeta, unha aventura na que atoparás moitos problemas por resolver ...
O efecto da gravidade, o seu material, a súa forma... son o seu drama para chegar a respirar e desprazarse. As súas dificultades son tamén as súas únicas oportunidades para desenvolverse. Na súa viaxe, os obxectos, atoparanse e relacionarán coa máxima sensibilidade para formar diferentes personaxes e desenvolvendo contos nos que existir e expresarse. Así se ten a oportunidade de vivir diferentes vidas e realizar anhelos e soños. Facendo, desfacendo, transformándose...
Performance- Intervención con Sabela Mendoza e Nieves Neira.
Un fresco. Catro mans rascan o pigmento que cubre o texto. Palabra entre palabras, fisura. Anuncio dunha escrita incesante, sempre dispoñible, á procura dalgún corpo onde pousar: lectura. Como a noite é precisa para a nudez das primeiras horas do día, rascar o fresco é raiar o día. Neste presente cada vez máis velado, a palabra poética aparece coa potencia pronunciada dun aquí. É só aquí onde tamén está todo o que non existe en ningún outro lugar.
Dende o colectivo artístico madrileño La Imperfecta –Alberto Alonso e Clara Pampyn– chega o seu tercer traballo en colaboración Twist.
Unha peza sobre a intimidade, sobre as posibles relacións existentes e sobre como soster o vínculo co outro a través da práctica física.
Imaxínate que non nos coñecemos.
Imaxínate que é a primeira vez que imos bailar xuntos.
Imaxínate que acabamos de celebrar que nos aguantamos sempre.
Imaxínate que todo fose posible
Imaxínate que empezamos de novo.
Espectáculo de maxia para os máis pequenos co mago Marcos.
Fai cinco anos falecía Manuel Viqueira Vietes, coñecido como o Gaiteiro de Vilaverde. Se o home levantase hoxe a cabeza, vería como o grupo de música tradicional que fundou xunto aos seus tres fillos homes (Manolo, Paco e Fernando) segue en pé e cumpriu xa 30 anos.
Non é amido da xente triste. E cre que para facer humor non é tan importante o que como o como. Oswaldo Digón (San Román de Cervantes, Os Ancares, Lugo, 1975) estivo o pasado domingo no Auditorio de Afundación en Pontevedra gravando o programa de Malo será! que emite mañá (a partir das 22.00 horas) a Televisión de Galicia e volve o próximo venres para protagonizar, xunto con Rober Bodegas e Dani Boy, un espectáculo de Noites de retranca (20.30 horas).
Espectáculo de improvisación teatral conducido polas Izquierdo Sisters que exercerán de coro de actrices, directoras, escenógrafas e dramaturgas das historias únicas e irrepetibles que serán creadas ao momento en escena coas achegas in situ do público presente.
A través de varios exercicios de improvisación, xogando fronte ao público, xurdirán historias cargadas de humor e vida que nacerán e crecerán no mesmo momento de actualas.
Elenco: Lucía Veiga, Marita Martínez e Javier Esgrimido (opcional).
Un simulacro de atleta polipatético verase involucrado en moitos problemas para lograr a ansiada medalla olímpica. A cerimonia de apertura finaliza sendo un desastre, tenta conseguir o éxito nos deportes máis conocidose e o único que logra é o fracaso máis absoluto.
Logrará conseguir a ansiada medalla?
Clown, mimo, pantomima e slapstick mestúranse neste tolo espectáculo no que o seu protagonista sae dun problema para entrar noutro e para finalizar coa vitoria máis ridícula xamais vista na historia.
