HUMORIS CAUSA é un espectáculo sen precedentes. Nunca antes xuntáronse sobre un escenario catro primeiros espadas da talla de Ana Morgade, Leo Harlem,Carlos Blanco e Javier Canso .
A irreverente Ana Morgade será a encargada de capitanear unha gala na que poderemos gozar dun grupo de cómicos que dificilmente volveremos poder ver xuntos nun escenario.
Baixo a dirección de Jordi Cortés e Carlota Pérez e a creación musical e arteterapeútico de Rebeca Ponte, preséntase o proxecto Arte homo Natura.
Trátase dunha peza de danza-teatro inclusiva resultado de 5 meses de formación e exploración en diferentes disciplinas artísticas que xira en torno a pérdida de relación e respeto entre o home e a natureza.
Elenco
José Antonio Rouco, Marlon Stiven, Clara Lopez, Carlota Perez, Jesús Pastor, Roi Alejandro, Adriana Paulos, Rebeca Ponte, Tito Lopez, Valle Lopez, Renato Beirao, Elvis García, Ricardo Prado
Baixo o título De abrentes e ocasos, Teatro do Atlántico presenta un recital dramático de poesía galega contemporánea, escolleita e trabada segundo o motivo fundamental da reivindicación da língua, da súa riqueza e da súa capacidade para a expresión tanto dos grandes problemas da condición humana como das esixencias e inquedanzas da actualidade.
Dramaturxia e dirección: Xulio Lago
Alejandro Fernández estará a presentar o seu álbum "Hecho en México" (Universal), dispoñible en todas as plataformas dixitais este venres 14 de febreiro e que xa pode pre ordenarse. Trátase dun disco 100% mariachi, que contén once historias diferentes de amor e desamor, rendendo homenaxe a un xénero que soubo facer seu. El LP conta coa colaboración de Christian Nodal, Luís Carlos Monroy, Jorge Massias e Mozo Elizalde. Gravado entre Barcelona, Los Ángeles e Nova York, e producido por Aureo Baqueiro, inclúe os sinxelos "Caballero" e "Te olvidé".
Un espectáculo teatral, de contos e de títeres, dirixido a público infantil (nenos e nenas de 1 a 8 anos) e protagonizado polo muppet Roque e a actriz Andrea Bayer.
Andrea acaba de facer o Camiño de Santiago e está emocionada con toda a xente que coñeceu e o moito que lle aprendeu: xogos de mans, cantigas, poemas... e contos, moitos contos e historias que se contan no Camiño e que Andrea vén disposta a compartir con Roque.
Da man do Fondo de Proxectos Culturais Xacobeo 2021 e da compañía teatral Tanxarina, coñeceremos a historia a historia de dous vellos traballadores daquel circo que lembran con marionetas de fíos as glorias do seu pasado na pista. Nun permanente xogo participativo co público, van aparecendo os números máis importantes daquel vello circo xa desaparecido: o home máis forte da península Ibérica; o malabarista máis divertido e bailadeiro do mundo….
Esta é a vida de Elzeard Bouffier, un humilde pastor que durante anos plantou árbores e non llo contou a ninguén. Só ao noso narrador, que ao longo do espectáculo irá descubrindo unha das máis fermosas e esperanzadoras fábulas; un esforzo, por pequeno que sexa, pode cambiar o mundo e facelo máis habitable.
Ondina vive xunto ás ondas do mar, onde elas rebentan e enchen de espuma a praia.
Durante moitos e moitos anos, apenas a espuma bañaba a area da praia. E era aí que Ondina brincaba coa espuma do mar.
Mais novos obxectos con sons, cores e formas extraordinarias xurdiron na súa vida e a Ondina gustáballe brincar con eles.
Parecían unha nova especie moi amigable e pouco a pouco foron introducíndose na súa vida e, canto máis se adentraban, máis os necesitaba. Ata que o PLASTIKUS volveuse absolutamente indispensable.
Miragres é un espectáculo sobre as Cantigas de Santa María de Alfonso X representado por una compañía de moinantes con monicreques e música en directo.
Un total de once pezas, unha cantiga de loor, e dez milagres ou feitos extraordinarios, que acontecen con mediación divina de Santa María.
Por primeira vez contemplaremos a Santa María obrar os milagres da man dos monicreques cunha estética baseada nas magníficas miniaturas que acompañan ás cantigas nos libros orixinais.
A posta en escena e a dramaturxia de Ouveos parte do poemario homónimo. Trátase dunha peza de poesía escénica de tipo multidisciplinar na que a poesía e o teatro conviven co vídeo, o movemento e a música. Performance poética e coloquio con Branca Novoneyra e Diego Horschovski.
Entrada libre ata completar a capacidade.
