Miragres é un espectáculo sobre as Cantigas de Santa María de Alfonso X representado por una compañía de moinantes con monicreques e música en directo.
Un total de once pezas, unha cantiga de loor, e dez milagres ou feitos extraordinarios, que acontecen con mediación divina de Santa María.
Por primeira vez contemplaremos a Santa María obrar os milagres da man dos monicreques cunha estética baseada nas magníficas miniaturas que acompañan ás cantigas nos libros orixinais.
A posta en escena e a dramaturxia de Ouveos parte do poemario homónimo. Trátase dunha peza de poesía escénica de tipo multidisciplinar na que a poesía e o teatro conviven co vídeo, o movemento e a música. Performance poética e coloquio con Branca Novoneyra e Diego Horschovski.
Entrada libre ata completar a capacidade.
Temas propios, versións de cancións populares, divertidos arranxos para un programa que transita por todos os estilos: latino, clásico, jazz, swing, bandas sonoras… Unha sucesión de situacións cheas de humor, de improvisación, de solucións disparatadas, pero sempre acompañadas pola mellor música. Unha nova produción con ritmo, máis ritmo, que fará gozar, bailar e rir ao público.
Onde están cando se lles necesita? É unha pregunta que adoitamos facernos sobre as nosas amizades, a clase política, a familia... algunha vez eles fallan, pero os superheroes sempre estarán alí para coidarte. Dous superheroes que están dispostos a todo para axudar, aínda que as cousas non saian sempre como queren. Os seus problemas son os teus problemas, e coa crise, a conciliación laboral e familiar faise difícil incluso para eles. No fondo todas as persoas somos superheroes. Crunch!
Os Monifates son un dúo cunha ampla experiencia musical, formado por un músico e un artesán que se encarga da confección dos instrumentos utilizados nas actuacións. Nacen coa filosofía de transmitir un son diverso e dinámico.
O pianista e escritor James Rhodes converte o tradicional concerto clásico nunha experiencia verdadeiramente inclusiva. O músico inglés, fincado felizmente en España, comparte nos seus concertos o seu amor e paixón pola música e consegue que cada un dos membros do público conecte con el e cos grandes compositores que presenta e interpreta. Rhodes tamén é un gran e único comunicador que, cunha mestura única de enxeño e sentido do humor, comparte coñecementos fascinantes e fai que temas serios, como a música clásica, fáganse accesibles para todos.
Facendo unha simbiose co Camiño de Santiago, Sheila Patricia fai un percorrido por diferentes espazos máxicos galegos, así como por diferentes tempos da nosa terra, as profesións máis características e o papel das mulleres na sociedade galega, especialmente na rural. Sheila Patricia, a voz da nova canción do autor en Galicia, integra os ritmos e sons máis actuáis coa música do patrimonio cultural galego.
LUÍS ZAHERA, recoñecido actor galego galardonado cun un premio Goya en 2019 por su papel na exitosa película "El Reino". Tamén brilla en series e películas como "Celda 211, El hijo de Caín, Alatriste, sin tetas no hay paraiso, La unidad" ou a actual serie de Telecinco "Vivir sin permiso" na que da vida á Ferro.Tamén grabando entre México e Galicia a exitosa serie de televisión Enemigo Íntimo.
Sempre no seu papel de "chungo", que é no que nos ten acostumado á velo.
O corpo e a terra estreitan os seus lazos nun espectáculo de danza e música que nos transporta á dura beleza dos labores do campo. A muller no centro desta conexión telúrica; día e noite, xornada tras xornada repetida nunha sucesión inesgotable de estacións. O sol e a choiva, o vento xeado, crúas paisaxes de intemperie habitadas unicamente por unha coreografía humana de apeiros de labranza, de corpos que cargan e arrastran, que danzan entre os surcos arados na terra. Pero Leira é tamén a sinxela alegría do traballo feito coas mans, coa valentía do corpo a corpo.
Rock en Familia é un espectáculo no que toda a familia pásao ben. Grandes e pequenos gozan por igual da experiencia da música en directo, á vez que descobren a historia e as cancións dalgúns dos artistas e grupos máis importantes e relevantes da historia do rock e o pop.
