“Os sons esquecidos”, unha viaxe musical polo mundo e a través do tempo. Mestura de épocas pretéritas cunha orquestra moderna, formada por 50 músicos xoves e profesionais que forman a Orquestra Filharmónica Cidade de Pontevedra.
Luppo é un home maior que vive só e todos os días, ás doce en punto de cada mañá, acende o seu gramófono e escoita ópera. Sempre a mesma canción. Ten un amigo, Tulún, un neno que cada mañá lévalle o pan, as especias e o xornal. Luppo cóntalle a Tulún moitas historias da súa vida. Unha mañá, Tulún chega coa compra e Luppo non está...
En “Cantacontos” os contos tradicionais ou de creación propia son arrequentados con cancións, música ou sons que contribúen a espertar emocións nos nenos e nenas. Todos os contos tratan cuestións próximas aos/ás nenos/as e convídanos a participar no seu desenlace. As cancións complementan os seus contidos.
Panchito é un pingüín galego, e como todos os rapaces da súa aldea ten moitas ganas de viaxar...
Unha versión moi libre do clásico de Castelao adaptada para o público máis cativo neste contacontos con música.
Quimera é un espectáculo inspirado nunha visión fantástica da natureza, onde os soños e a mitoloxía entrelázanse. Calquera ilusión produto da imaxinación, por improbable que pareza, pode tornarse realidade. Mediante unha linguaxe visual e acrobático estimúlase a imaxinación do espectador ata o final.
O circo é parte da tradición da navidade en moitods lugares do planeta. Dende esa perspectiva propoñemos unha completa e variada gala de circo de navidade con varias d0as compañías máis destacadas do momento. Veremos acrobacias aéreas, malabares e equilibrios nun espectáculo con música en directo e con moito, moito, humor. Presentado por Dani Blanco, coa participación das compañías galegas Dsastronauts e Circo Chosco e co artista invitado Javi Javichi presentamos unha das citas ineludibles nesta navidade para toda a familia
Presentación pola propia homenaxeada, Sofía Oriana Infante, dunha charla, concerto, audiovisual, da súa traxectoria profesional con outros intérpretes que lle acompañan: EntreElas Grupo Vocal, Irene Caruncho e Laura Ximénez (Fagot).
Entrada libre: previa retirada de convites a partir do 28 de decembro ás 10:00 h na web compostelacultura.gal e no despacho de billetes do Teatro Principal de martes a sábado (+ días de evento) de 18.00 a 21.00h.
Este “Tempo de Nadal” vai ter dous escenarios principais: as rúas e prazas de toda a cidade, e outro o Teatro Principal. 9 grupos que van facer máis de 30 espectáculos itinerantes: Charanga OT, Charanga Mil9, Pablo Méndez, Barafunda, Rivel, Armonium… No outro escenario, o Teatro Principal, estará a programación infantil con dous pases e nove espectáculos diferentes de 4 compañías: Baobab Teatro, Migallas…
Un ano máis, Os Bolechas volven levar a ilusión de Nadal aos concellos da Rede de Dinamización Lingüística cun espectáculo para os máis pequenos da casa (nenos e nenas entre 3 e 9 anos) e as súas familias.
