Atopar entre os andeis da Biblioteca de Galicia, situada na Cidade da Cultura, toda unha familia de apalpadores vai ser posible este Nadal!
Moita música a través dos contos en dúas viaxes divertidas, que permitirán a vosa cativada achegarse á ópera e tamén ás tradicións máis nosas.
Atopar entre os andeis da Biblioteca de Galicia, situada na Cidade da Cultura, toda unha familia de apalpadores vai ser posible este Nadal!.
Moita música a través dos contos en dúas viaxes divertidas, que permitirán a vosa cativada achegarse á ópera e tamén ás tradicións máis nosas.
Teatro PLUS presenta a súa versión do conto orixinal de Luis Coloma "Ratón Pérez".
Escrito en 1894, como regalo ao rei Alfonso XIII que entonces teña 8 anos e caeulle un dente de leite. Está inspirado en feitos históricos relacionados ca vida deste rei de España.
Trata da importancia que teñen as pequenas cousas que nos pasan cando somos cativos e o gran impacto que teñen sobre nos cando nos facemos maiores. E que estas poden cambiar o mundo. Ti podes cambiar o mundo si eres un rei, pero si non o eres, tamén.
Eco I. Aproximacións a un territorio vivo fala dunha relación de pertenza e de identificación transpersonal que traspasa os marcos establecidos polo noso entendemento.
Voces que xa non están, arquitecturas que desaparecen, que manteñen a pesar de todo un cultivo vivo. Cultivo para ser " amasado" mediante o corpo e a voz.
Eco I trata de recuperar o patrimonio cultural material e inmaterial dunha zona do rural galego (Os Ancares) a través das artes vivas, partindo duns audios orixinais do canto de tradición oral da zona.
Recuperación da figura de destacadas integrantes femininas da cultura coruñesa a través da historia, nos ámbitos do deporte, as artes plásticas, as artes escénicas, a música e a literatura. Recreación da súa vida e obra dende o cabaré, nun espectáculo para todos os públicos con intención formativa e performativa. A través da comedia e o drama, e contando cunha equipa multidisciplinar, daráselle un lugar na memoria da cidade a estas mulleres pioneiras, tan necesarias como esquecidas.
Espectáculo de malabares da Asociación Rat-Lab.
Pasámonos a vida escoitando poemas e cancións de amor, que nos ensinan que o amor verdadeiro é incondicional, que todo o pode, que sufrir por amor é o normal dentro desta sociedade. Un número para todo público no que desde o clown e xogando coas teas aéreas, faise unha pequena parodia desta concepción romántica do amor de parella.
Este Nadal no Gaiás non queremos que se perda a ilusión por iso imos ateigar a Cidade da Cultura de moita luz, cor e cancións, de todos os estilos, pero sempre tendo en conta as festas que estamos a celebrar, na que o protagonismo volve ser para a nosa grande árbore de Nadal. Este ano manterá as súas grandes dimensións e incorporará a interactividade grazas á intervención nela da artista visual Marta Villaverde. Deste xeito, seredes vós, a través dos vosos dispositivos móbiles, os e as que decidades as cores e incluso a música que desprenda ao voso paso.
Onde se atopa o límite extremo do equilibrio?
Este momento perfecto onde as leis da gravidade parecen derrotadas, superadas, desaparecidas. Onde está o límite das nosas capacidades? Ás veces chegamos, ás veces non. Ás veces pasámonos, ás veces non.
Ás veces caemos e ás veces non. Gústannos ambos, OVVIO!
OVVIO é un encontro entre dúas personalidades opostas, que levan dentro a mesma necesidade de risco, o desexo abafador de descubrir ata onde poden chegar antes de que a física e o azar os derroten. Onde está o instante de perfección antes da caída?
A Gala de circo na rúa, de grande formato, conta sempre coa participación de tres compañías e unha banda de música ao vivo nun espectáculo para todos os públicos, de 100 minutos de duración, co mellor do noso novo circo introducido por unha mestra ou mestre de cerimonias que dá paso a unha grande variedade de espectáculos e números circenses.
