A Gala de circo na rúa, de grande formato, conta sempre coa participación de tres compañías e unha banda de música ao vivo nun espectáculo para todos os públicos, de 100 minutos de duración, co mellor do noso novo circo introducido por unha mestra ou mestre de cerimonias que dá paso a unha grande variedade de espectáculos e números circenses.
Marcos Aboal Vázquez, coñecido artisticamente como Pulpiño Viascón, é un polifacético artista que forma parte dos Diplomáticos de Monte Alto e ten formado parte de proxectos como Bonovo, o Jarbanzo Negro, Galegoz, Tecpilek, Escupe Escapa, Os Bolechiñas, Maraya Zydeco ou Pulpiño Viascón e os Instrumentos Máxicos. Ademais, colaborou tocando o serrucho e a trompeta con Manu Chao no seu álbum Sibérie m'était contéee e con Susana Seivane. Despois do seu éxito en grupos previos, trae agora unha animacións de rúa itinerantes para todos os públicos.
Cancións, animacións e interpretacións cos ritmos e rexistros máis divertidos. As alegrías, as amizades, os libros, a poesía, a ecoloxía, as festas do ano e o respecto á nosa lingua serán parte da equipaxe nun camiño onde a música soa con forma de sorriso.
Idade: de 4 anos en adiante.
Inscrición previa na biblioteca ou no teléfono 886 120 445.
O Museo do Mar de Galicia, dependente da Consellería de Cultura, Educación e Universidade, desenvolve durante esta semana unha programación especial arredor do 25N, Día Internacional contra a Violencia de Xénero.
A Cidade da Cultura de Galicia é unha das sedes do festival Festival Altántica cun conto musicado da man dunha das narradoras orais máis prestixiosas de Galicia, Charo Pita, acompañada pola Banda Municipal de Santiago.
Charo Pita será a responsable de narrar o clásico de Charles Perrault dentro do Festival Atlántica que será musicado con composicións de Franco Cesarino. A narradora estará acompañada pola Banda Municipal de Música de Santiago de Compostela e o seu director, Casiano Mouriño Maquieira. O espectáculo está recomendado para alumnos/as de 3º, 4º, 5º e 6º de primaria.
A peza que a artista Ana Matey presenta no Festival Escenas do cambio é unha nova performance dentro da serie ‘Conversaciones’ a cal leva desenvolvendo desde o ano 2015.
Cada unha versa sobre unha temática diferente dependendo dos acontecementos e preocupacións que estea a vivir nese momento. Esta performance é a número 10 da devandita serie baixo o subtítulo: Sobre la distancia. Pensar hoy en distancia...
Suicide notes pon en escena o tema do suicidio, o tabú que representa; a súa ocultación en contraste coa súa importancia e relevancia; e o feito que implica poñer o corpo de maneira definitiva, ou sexa a toma de decisión sobre o final da propia vida.
Como sucede noutros proxectos comúns e individuais de Marc Caellas e David G. Torres, Sucide notes está baseada na citación e o apropiacionismo.
Converteuse xa nun acto tradicional en Vilagarcía. O aceso das luces do Nadal convocaba por centos de vilagarciáns na praza de Galicia para ver a Papa Noel en acción. Este ano tamén estará e dirixirase aos nenos, pero será por streaming a través da canle de Youtube e da páxina de Facebook do Concello. Alí, e axudado por un elfo moi particular, contestará a todas as preguntas que se lle formulen.
Baixo o nome de Cé Orquestra Pantasma agóchase o vigués César Freiria, músico autodidacta e apaixonado dos instrumentos musicais. Comezou a súa andaina aos oito anos dentro da música tradicional, e dende aquela non deixou de navegar polos variados estilos da música popular, chegando a formar parte de grupos tan dispares entre si como A Roda ou a banda de punk Oxtiax Ke Te Pariu.
O programa de dinamización lingüística FalaRedes e o Fondo de proxectos culturais Xacobeo 2021 presentan, con motivo da semana do Día Internacional contra a Violencia de Xénero (25 de novembro) unha xira de cinco funcións da peza teatral 'Soa', da actriz Rogelia dos Outeiros. O espectáculo centra a atención na esperanza e ten como protagonista unha muller maltratada física e psicoloxicamente que, pechada na casa polo seu marido, atopa na súa nova veciña unha confidente a quen contarlle a súa historia, unha válvula de escape para liberarse da pesada carga que sempre a acompaña.
