Este é un espectáculo para todos os públicos que nace da tolemia e idiotez dos seus protagonistas, Mirroska e Juanito son os dous clowns deste divertido mini circo. Mirroska explosiva e provocadora nata, que fai da ironía o seu medio de expresión e da risa o seu traballo, Juanito este neno grande de poucas palabras é un cocktail de técnica e humor, da fusión destes dous pallasos e o público créase a maxia do teatro de rúa, son risas aseguradas.
Por Vía Oral é un espectáculo de pura comedia, no que dous dos grandes cómicos do momento, Brandariz e Triana, analizan o sistema sanitario actual desde un punto de vista humorístico.
Un paciente ingresa no hospital e ten que afrontar unha serie de situacións embarazosas, das que todas e todos vivimos cando acudimos aos centros de saúde ou aos hospitais. Desta maneira faise un percorrido polo sistema sanitario do máis cómico, e sobre todo con esceas moi cotiás e identificables para o público.
Magín Blanco, creador de A nena o grilo, A nena e o grilo nun barquiño, Gatuxo e outras composicións que forman parte de propostas musicais para público infantil como María Fumaça e Rosalía Pequeniña interpretará en directo unha selección dos temas para público infantil que el mesmo compuxo acompañados dunha narración. O formato desta nova proposta será un contacontos musicado que axudará os nenos e nenas a estimular a súa creatividade e curiosidade polas letras e as palabras, pola lingua, polos contos e a música para que poidan crear o seu propio universo creativo.
As fillas bravas son tres mulleres que tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira, cantoras dunha estirpe de voces furtivas que berran entre raposos.
No 2018 a compañía cumpriu 18 anos de existencia. Atrás quedan dezaseis espectáculos en grao sumo variado, tanto por tipo de público como por temática, estética ou pola composición do seu elenco: desde as oito persoas en escena de “ Boas Noites” ata o monólogo de “A carreta pantasma”. Con eles estivemos en programacións de España, Portugal, Corea e Canadá.
Antonio Romarís é un mago, produtor e director de maxia de recoñecido prestixio de Galicia que sempre destacou por ter unha ampla e completa visión do mundo do espectáculo.
Traballou sempre desde o punto de vista do público e dos seus principais clientes, os Concellos, creando propostas escénicas innovadoras e atractivas para ambos.
Nun programa cultural ou nun programa de festas os seus espectáculos destacan sempre entre os máis lembrados polo público.
Alicia é unha moza que goza monfándose das súas compañeiras. No recreo previo ao exame máis importante do curso, aparece nun lugar máxico habitado pola estrafalaria estatua Xacobe. Para poder saír de alí e chegar ao exame, Alicia terá que resolver os enigmas e superar as probas que se esconden tras a porta dos recreos pasados, presentes e futuros.
Oswaldo Digón (San Román de Cervantes, Os Ancares, Lugo, 1975) cómico e actor galego.
Un galego con moito prestige, é o que hai (es o que hai) Ou sei que non oes (a ver si te decatas). Actor de teatro e monologuista con ironía, es dicir, no sabe si sobe o baixa, ademais, sofre nostalxia lembrando os 80. E es un semental que chora por calquera cousa. Nota: todo es froito de ser membro de lana pena alcol dos 90.
A cargo de Nelson Quinteiro produccións
Data: 20 de decembro
Público: Público Familiar
Lugar: Auditorio Neira Vilas
Horario: 18:00 a 19:00 h
Duración: 60 minutos
Prazas: 30
De balde, precisa inscrición na web
Neste espectáculo ofrécese un animado concerto e contacontos animado con danza e un repertorio de panxoliñas e contos populares adapatados á figura do Apalpador.
Sinopse:
Nana está grávida e aos poucos descobre como o seu corpo comeza a cambiar para xa nunca volver ser unha, se non dous. Nana ten a sensación de subir a un globo aire quente e camiñar polo aire durante nove meses. E máis. O seu bebé nacerá, faráse neno, xoven adulto e pai. A inesquecible viaxe de Nana, unha viaxe en globo que sobrevoa o terreo insondible do ciclo da vida.
