MARLON presenta HIPERSENSIBLE 2026 o 17 de abril ás 21:00 h. Un concerto no que MARLON, acompañado pola súa banda, ofrecerá as súas novas creacións combinando emoción e intensidade sonora, cun estilo que mestura pop, electrónica e texturas experimentais, construíndo unha experiencia musical envolvente e contemporánea.
Rebeliom do Inframundo presentan o seu novo traballo ‘Orgulho’.
Nacidos nas rúas e nos locais de ensaio de Galiza, Rebeliom do Inframundo leva máis dunha década facendo da música unha trincheira e unha celebración. Nervo, Malvares, Frank Huxley, Busto e DJ Pol forman unha alianza que vai máis alá do rap: é unha actitude, unha maneira de entender o mundo.
Andrés Suárez presenta a súa Gira Lúa, un percorrido polas súas novas cancións e os temas máis queridos do seu repertorio, nunha serie de concertos íntimos e emotivos que conectan co público de forma próxima.
En 2022 e 2023, La Cabra Mecánica celebrou os 25 anos da publicación do seu primeiro disco cunha xira de aniversario. O que naceu como un reencontro puntual se convertiu nunha celebración desbordante que confirmou o que moitos intuían: La Cabra Mecánica non é só un grupo, é parte da historia musical deste país. A resposta do público foi tan apabullante que a banda, liderada polo carismático Lichis, decidiu prolongar a xira durante 2025.
No Te Va Gustar prepara a súa xira máis grande en Europa, despois de anos de éxitos internacionais e entradas esgotadas en cidades como Madrid, Barcelona e Zaragoza. Con numerosas colaboracións e 9 nominacións aos Latin Grammy, a banda consolida a súa proxección europea e internacional.
A internacional soprano Ainhoa Arteta inaugura o Ano Novo en Santiago de Compostela para interpretar pezas do repertorio clásico e panxoliñas españolas e universais. A súa voz estará acompañada polo gran pianista Josu de Solaun, único español gañador dos premios internacionais George Enescu e José Iturbi, así como dos International Classical Music Awards (ICMA) polas súas gravacións en 2021 e 2023.
O evento é unha simbiose da lingua e música galega coa tradición musical europea. Xunta os cantares galegos de Nadal, harmonizados para coro feminino, e a música de cámara de carácter centroeuropeo, asociada ao inicio do ano.
A biblioteca cede o espazo para a realización da audición “Novas promesas da guitarra” do alumnado de guitarra do Conservatorio Profesional de Santiago.
No salón de actos. A entrada é libre ata completar a capacidade da sala.
O xoves, 15 de xaneiro, contaremos coa actuación da "Xove Orquestra Terra Nova".
Unha banda de música clásica lucense formada por un grupo de rapaces que queren darlle unha nova volta aos clásicos
Hora: 20:00 h.
Salón de actos (ata completar capacidade)
Este novo espectáculo conmemora o X Aniversario do grupo nunha revisión sinfónica dos seus grandes éxitos. Un sorprendente achegamento da música orquestral ao universo vacún que conta co traballo do compositor Lucas Rei ao mando dos pentagramas.
Do variopinto repertorio das Vacas, nace pois, unha ópera en catro actos que abarca cancións, letras e vivencias.
Baixo unha coidada dirección de escena descúbrese un mundo insólito que non por divertido e surreal é menos serio e esplendoroso.
