En 2022 e 2023, La Cabra Mecánica celebrou os 25 anos da publicación do seu primeiro disco cunha xira de aniversario. O que naceu como un reencontro puntual converteuse nunha celebración desbordante que confirmou o que moitas persoas intuían: La Cabra Mecánica non é só un grupo, é parte da historia musical deste país. A resposta do público foi tan apabullante que a banda, liderada polo carismático Lichis, decidiu prolongar a xira durante 2025.
MUSICALMENTE
Idade recomendada: de 0 a 3 anosDuración: 45 minLingua: non verbal
Monteverdi, Bach e Mozart son algúns dos anfitrións dunha ampla lista de compositores que nos levan do clásico ao jazz, do tradicional portugués ás músicas do mundo, da electrónica á improvisación e ao movemento compartido entre familias e crianzas. Saxofóns, clarinetes, birimbaos, cavaquiños e outros instrumentos, conforman un universo sonoro amplo e estimulante, pensado para acompañar a curiosidade do público máis pequeniño.
The Long Ryders regresan aos escenarios españois en abril cunha xira que volve situar o seu nome na primeira liña do alt-country e a Americana. Unha oportunidade para reencontrarse cunha banda cuxa influencia segue plenamente vixente. A banda chega con “High Noon Hymns”, gravado en California xunto ao produtor Ed Stasium e publicado por Cherry Rede Records, un álbum que retoma a súa esencia sonora e suma novas cancións a un catálogo xa imprescindible.
A lendaria banda de rock granadino , 091 , está de volta ao grande. Seis anos despois da súa última gravación, os míticos 091 anunciaron o lanzamento de «No tiene Sentido Escapar» , o seu esperado novo single.
Verónica Santalices e Federico Welicki ofrécennos o concerto didáctico Faustino Santalices. O legado, dedicado ao gaiteiro e musicólogo de Bande. Faustino Santalices (Bande, 1877 – Madrid, 1960) foi un dos grandes nomes da nosa cultura; un home que dedicou a súa vida a investigar, construír e interpretar instrumentos e que lles devolveu á zanfona e á gaita un lugar central na música galega. No mundo da música tradi, o seu nome soa con respecto e admiración. Porén, entre o público xeral aínda non ocupa o lugar que merece.
Máis música para os cativos e cativas da casa neste concerto en que o famoso músico infantil Pakolas nos guía coa súa forza interpretativa e o seu humor por un espectáculo onde a interacción e a participación do público, a animación, as caracterizacións e a música son os principais atractivos.
No concerto, Pakolas interpretará temas do seu último libro-disco, Ecoralia, que nos presenta a importancia dos alimentos ecolóxicos para coidar o medio natural tanto na terra coma no mar, combater o cambio climático e garantir o benestar animal.
O grupo de música infantil máis famoso do momento chega a Nadal en Rede cargado de panxoliñas a ritmo de rock. A banda formada por Paco Cerdeira, Paula Romero, Anxelo de Xermar e Rodrigo Muñoz ofrece un espectáculo onde soarán as cancións do seu cuarto disco, O Nadal coa avoa Fina: “Apalpador”, “O rap metal do Nadal”, “A Noiteboa sempre é boa coa miña avoa”…, temas para recuperar valores e tradicións e, sobre todo, para bailar e para cantar en galego a todo pulmón.
Luz Casal presenta en xira o seu novo disco Me voy a permitir, o traballo máis ecléctico e inclasificable da súa carreira. Neste álbum concédese o capricho de mostrar dez facetas, tantas como cancións: dez actitudes e dez maneiras de mirar e entender o mundo. Móvese coa liberdade de quen non ten xa nada que demostrar, amosando as súas cartas como dama da chanson francesa, voz contemporánea do cancioneiro latinoamericano, cronista do cotián e rockeira que nunca colgou os pantalóns de coiro.
JULIO IGLESIAS Jr. pon voz aos grandes clásicos do seu pai nun espectáculo cheo de enerxía, elegancia e emoción. JULIO IGLESIAS Experience é moito máis que un concerto: é a oportunidade única de vivir, sentir e escoitar as cancións que fixeron famoso ao noso artista máis internacional.
Fernando Barroso. Músico, compositor e produtor galego.
Participóu en numerosos proxectos dentro da escéa Folk/World Music. Desde Galiza e Portugal formóu parte de diferentes bandas e colaboróu con outros artistas.
A súa discografía está baseada nun repertorio orixinal, resultado da fusión da música de raíz e música moderna, con algunhas influencias dispares de diferentes épocas ou culturas.
Hora: 20:00 h.
Salón de actos (ata completar capacidade)
