Concerto

A Diamond Dogs volverá aos escenarios o próximo mes de setembro cunha xira que percorrerá distintas cidades e que incluirá Santiago de Compostela. A banda atópase no estudo finalizando un novo disco, Similar Shakes, Different Distortion, toda unha declaración de intencións que chega tras a súa homenaxe ao inmortal Little Richard xunto á lenda da guitarra Chris Spedding, presentada en exclusiva en Azkena Rock Festival. Ese repertorio volverá soar nesta xira, xunto cos seus clásicos e as súas novas composicións.

Mujeres convertéronse, disco a disco e concerto a concerto, nun dos grandes nomes do rock de guitarras en España. O trío barcelonés formado por Yago Alcover, Pol Rodellar e Arnau Sanz leva case 15 anos asinando cancións que xa forman parte da memoria emocional de toda unha xeración.
Con himnos como “Aquellos Ojos”, “Vivir Sin Ti” ou “Un Sentimiento Importante”, a súa fórmula mestura rock and roll acelerado, pop melódico e romanticismo a máis de 200 BPM, convertendo cada concerto nunha celebración colectiva.

Will Jacobs & Marcos Coll presentan un proxecto internacional de blues e soul nacido do encontro en Berlín entre dous músicos de sólida traxectoria e conexión inmediata. O seu directo combina a tradición do blues cunha enerxía contemporánea e unha química escénica irresistible. A noite contará coa banda convidada The Blues Moonshiners e rematará cunha pinchada de Fran Reixa. Ademais, a cita servirá para celebrar os 50 anos de Marcos Coll.

Velaquí unha proposta musical e literaria para o público adulto. Inma López Silva e Francisco Castro presentan Repunantas. As punkis da literatura galega, onde farán un percorrido musical polas voces femininas da nosa tradición literaria, dende as cantigas medievais ata Begoña Caamaño, a quen este 2026 lle dedica a Real Academia Galega o Día das Letras de noso.

Verónica Santalices e Federico Welicki ofrécennos o concerto didáctico Faustino Santalices. O legado, dedicado ao gaiteiro e musicólogo de Bande. Faustino Santalices (Bande, 1877 – Madrid, 1960) foi un dos grandes nomes da nosa cultura; un home que dedicou a súa vida a investigar, construír e interpretar instrumentos e que lles devolveu á zanfona e á gaita un lugar central na música galega. No mundo da música tradi, o seu nome soa con respecto e admiración. Porén, entre o público xeral aínda non ocupa o lugar que merece.

Gozo Festival 2026 reunirá o sábado 11 de xullo no Monte do Gozo (Santiago de Compostela) un cartel de luxo con artistas internacionais como Maroon 5, Martin Garrix, Danny Ocean, Rita Ora e Miriam Rodríguez, na súa cuarta edición integrada nos Concertos do Xacobeo, consolidándose como unha das citas musicais máis destacadas do verán en Galicia.

“Na casa delas” é unha proposta que combina música e poesía para render homenaxe a seis figuras fundamentais da literatura galega: Marica Campo, Luz Pozo, Olalla Cociña, María Mariño, Xela Arias e Olga Novo.

As voces de Esperanza Iglesias, soprano, Carmen Prendes, contralto, Fernando G. Jácome, tenor, e Antón Castro, baixo, darán forma ao son característico de Son de Corda.

Público / Idade recomendada: Adultos

Duración: 70 minutos

Hora: 20:00 h.

Salón de actos (ata completar capacidade)

Alma Selene é cantante soprano, actriz e declamadora. Está especializada nas obras de Federico García Lorca nas súas diferentes disciplinas. É unha artista multidisciplinar que polas súas cualidades vocais e cor de voz inclúe nos seus repertorios diferentes estilos e rexistros musicais abarcando desde a música sacra, clásica, lírica, melódica, boleros, etc.

O concerto:

A asociación cultural CANTAR DELAS leva funcionando dende setembro de 2007. Esta asociación promove o único grupo coral de voces brancas da provincia de Lugo que agrupa 24 voces femininas dirixidas por Fernando Gómez Jácome. Na actualidade está presidida por Dolores Varela Salgueiro.

Os seus obxectivos recollen:

Hugo Guezeta é un rapero galego de Ponteareas que se consolidou como unha das voces máis prometedoras da escena hip‑hop en Galicia, con letras comprometidas e críticas e un estilo que combina rap clásico e ritmos versátiles. Publicou o seu primeiro álbum en solitario, O Noso Tempo, o 22 de novembro de 2024, que rapidamente acumulou centos de miles de reproducións en plataformas dixitais e o levou a esgotar entradas en salas como a Sala Rebullón (Mos) e a Sala Sónar (Santiago de Compostela) durante a xira de presentación en 2025.