A banda estadounidense The Screamin’ Cheetah Wheelies anuncia o seu regreso aos escenarios cunha xira moi especial que chegará a España en outubro de 2026.
Tras o éxito da súa esperada xira de reunión en 2022, The Long Goodbye, cuxas entradas se esgotaron en menos de dous minutos en todas as datas, o grupo celebra agora o 30 aniversario do seu icónico álbum de 1996, Magnolia.
Responsables dalgunhas das cancións máis influentes da nosa música popular contemporánea, Los Enemigos realizan un envexable exercicio de síntese creativa neste novo traballo, producido por Carlos Hernández e autoeditado a través do seu selo, Alkilo Discos.
O festival de música electrónica Wake Up SDC regresa a Santiago de Compostela cunha nova edición que reúne DJs e artistas nacionais e internacionais en dúas xornadas dedicadas á música electrónica.
O evento consolidouse como unha das citas destacadas do calendario musical en Galicia, cunha proposta centrada en estilos como techno e house, e unha experiencia de gran formato en espazos emblemáticos da cidade.
Carlos Núñez regresa á súa tradicional cita co público compostelán para encher de maxia a Colexiata do Sar. O noso músico máis internacional convídanos a gozar dun concerto inesquecible en pleno corazón de Galicia, pensado tanto para os de aquí como para os que nos visitan; unha oportunidade única para sentir a auténtica esencia de Santiago desde dentro.
O ciclo de concertos O SON DOS ARRIEIROS nace como unha aposta polo talento emerxente nun momento especialmente fértil para a escena musical galega.
Nesta ocasión, o cartel reúne a dous artistas destacados da nova escena galega: Dani Cornes, músico e compositor cunha traxectoria marcada pola sensibilidade melódica e a exploración de novas sonoridades, e Santi Araujo, artista que combina folk contemporáneo e canción de autor cun estilo persoal e coidado, convertido nunha das voces máis recoñecibles do panorama actual.
Boyanka Kostova, pioneiros do trap en galego, consolidáronse como un dos nomes clave da escena urbana estatal. A súa evolución cara á electrónica levounos a converterse en referentes dunha proposta que eles mesmos definen como urbantrónica salvaxe.
En 2026 celebran o seu décimo aniversario, coincidindo coa publicación de “X”, o seu sétimo disco. Ao longo do ano estarán de xira repasando a súa traxectoria, os seus temas máis recoñecidos e novas cancións. A súa cita en Santiago de Compostela levaraos de novo á Sala Capitol.
Santiago de Compostela acollerá o 31 de maio, ás 21:00 horas no Convento de San Francisco, un dos concertos conmemorativos do 60º aniversario do Orfeón Terra a Nosa, que conta co apoio do Concello.
O programa inclúe obras do século XIX de compositores como Mercadante, Zingarelli, Arriaga, Puccini e Donizetti. Esta cita forma parte dunha xira especial que levará tamén o orfeón a escenarios de Rianxo, Poio e Monforte de Lemos, nunha celebración que pon en valor a traxectoria dunha das agrupacións corais máis destacadas da vida cultural compostelá.
Evento solidario coas Escolas de Ensino Galego Semente, unha rede asociativa sen ánimo de lucro que promove unha educación autocentrada, multilingüe, inclusiva, laica e pedagoxicamente renovadora.
A xornada combinará intervencións institucionais cunha coidada programación artística, que contará coa participación de Sés, Mondra, Ukestra do Médio, As Bouba, Peter Punk e o Regueifa Tour. A través da música e do humor, a festa busca crear un espazo de encontro para a comunidade educativa da Semente e para todas aquelas persoas que apoian esta iniciativa.
Julián Maeso celebra 30 anos na música cun concerto o sábado 6 de xuño ás 20:30 h. Unha ocasión única para percorrer as diferentes vertentes musicais que desenvolveu ao longo da súa carreira, desde o rock, soul, country, acid jazz ou funk. A actuación contará cunha banda de luxo e convidados especiais que garantirán unha noite para o recordo.
La Voz Humana é unha das óperas máis intensas do repertorio do século XX. En escena, unha muller fala co home que ama… mentres a relación se esfarela ao outro lado da liña.
Protagonizada pola soprano Beatriz Riobó e acompañada ao piano por Carlos Enrique Pérez, esta produción propón unha posta en escena íntima e próxima, con dirección escénica do cineasta Darío Autrán, onde música e emoción se fusionan nun retrato desgarrador de amor, soidade e despedida.
