Evento: Rafael Freijeiro + Cristina Rommel

Cristina Rommel - Escultura

Fortemente atraída pola arte desde a infancia, a xermano-arxentina Cristina Rommel formouse en Artes visuais en Arxentina e despois cursou distintas especializacións en diversos procesos técnicos como, por exemplo, os tradicionais usados por Miguel Ángel. A súa obra foi recoñecida mundialmente por multitude de simposios en Latinoamérica e Europa e o propio goberno arxentino contou con ela para realizar distintos traballos estatais como os bustos de Kirchner ou Arturo Jauretche.

Rafael Freixeiro - Pintura

Nacido en Vigo en 1958, comezou a debuxar case instintivamente a moi temperá idade, probablemente alentado polo seu pai, bo debuxante, poeta e persoa de acusado espírito artístico. Considérase autodidacta e a súa primeira participación en mostras de arte foi na Arte Xoven Galega, onde o éxito da súa selección estimuloulle a seguir pintando. Posteriormente vinculouse ao colectivo Assi co que celebrou a súa primeira exposición individual en 1992. Desde entón realizou numerosas exposicións en Vigo, Madrid, A Coruña, Tui, Pontevedra e Portugal e a súa obra forma parte de distintas coleccións institucionais.