Evento: Feira do Libro en Viveiro

A cita de Viveiro é a decima parada do circuíto de Feiras do Libro de Galicia e a primeira que se celebra na provincia da Lugo. Esta nova edición, que conta co apoio da Xunta de Galicia, estará aberta ata o vindeiro luns 16 de agosto en horario de 12,00 a 14,00 horas e de 18,00 a 22,00 horas, agás fines de semana e festivos que adiará o seu peche pola mañá ata ás 14,30 horas.

10% de desconto en todos os libros

Ao longo destas xornadas os asistentes poderán gozar dun 10% de desconto en todas as súas compras e, ademais, terán a oportunidade de levar os seus exemplares asinados por profesionais como Arantza Portabales, Eduardo Bahamonde, Mario Alonso, Luz Darriba, Primitivo Marcos, Paco Rivas, María Donapetry, Ángela Banzas, Edu Estévez, Carlos Lorenzo, Xavier Queipo, Yolanda Castaño, entre outros, que presentarán os seus traballos e asinarán exemplares nos stands.

Así mesmo, contarán cun espazo propio as librarías Pedreira, Cortizas, Aenea, Porta da Vila, Editorial Planeta, Seminario de Estudos Terra de Viveiro e a Deputación de Lugo.

Tras o seu paso por Viveiro, o circuíto das Feiras do Libro de Galicia 2021 continuará o seu percorrido por Foz e Monforte de Lemos. Ademais destas citas, o sector literario de Galicia tamén estará presente nas Feira Liber, en Madrid, e na Feira de Frankfurt, previstas para o vindeiro mes de outubro.