Evento: Experimentos en familia con Naturnova: A sombra invisible.

As sombras chinescas son un divertido xogo popular que consiste en interpoñer as mans entre unha fonte de luz e unha pantalla ou parede, de maneira que a posición e o movemento das mans proxecta sobre a pantalla sombras que representan distintos seres en movemento.

Esta actividade permítenos explorar e descubrir a posibilidade de expresarnos mediante unha linguaxe de luces, sombras, movementos, expresión corporal, voz, música, etc. Tamén nos axuda a identificarnos coas sombras do noso propio corpo e o espazo que nos rodea.

Esta actividade desenvolve a capacidade creativa e expresiva, potenciando o control postural como ferramenta de expresión corporal. Permite expresar as necesidades e emocións a través dos movimentos do corpo.

Para esta actividade non necesitarás demasiados materiais, será suficiente cunha lámpada, a parede ou unha cartolina branca, e as túas propias mans.