Evento: A escena galega no palco do Colón
A escena galega no palco do Colón
A escena galega no palco do Colón é un encontro que pretende axudar a contrastar os diferentes procesos polos que transitan as persoas que se dedican á creación escénica en Galicia. O encontro ten como eixo central o traballo de dramaturgos, actores, directore, coreógrafos, bailaríns, xentes do circo... todos conversarán sobre cales son os camiños e metodoloxías que os levan a crear unha peza escénica.
Programa:
10:00 - Benvida e presentación da xornada a cargo de Goretti Sanmartín Rei, vicepresidenta da Deputación de A Coruña e deputada de Cultura.
10:30 - Os procesos creativos na ensinanza das artes escénicas. Unha conversa con Daniel Salgado, Irene Moreira, Carlos Neira e Carlos Sante.
12:30 - A creación de espazos sonoros e visuais como ferramenta dramatúrxica. Baltasar Patiño e Laura Iturralde son entrevistados por Afonso Becerra.
13:30 - Conversa: Narrativas escénicas. Unha conversa entre Xulio Lago e Areta Bolado, na que confrontar dúas formas de comprender a construción do relato escénico contemporáneo.
16:30 - A creación escénica desde a prespectiva do/a intérprete escénico/a. Conversa entre Patricia de Lorenzo, Eduardo Alberto Rodríguez Cunha “TATÁN”, Olga Cameselle e Pablo Reboleiro, moderada por Esther Carrodeguas.
18:30 - A dirección de escena e a dramaturxia. Diferentes xeitos de tecer a estrutura dramatúrxica dunha peza. Unha conversa con Tito Asorei, Marta Pazos, Quico Cadaval e Ruth Balbís.
20:00 e 21:30 - Catro Compañías. escénicas galegas amosan quince minutos do seu traballo en espazos non convencionais dentro do Teatro Colón: Elefante Elegante, Prácido Domingo, Caramuxo Teatro e Manicómicos.
