Evento: Rexas

Esta exposición, a través de 78 fotografías, conta as historias de 172 mulleres, algunhas delas feitas públicas por primeira vez, que viviron baixo a represión da dictadura. A mostra está dividida en tres bloques: o primeiro é o da contextualización histórica, que amosa como o golpe de Estado supuxo unha quebra dos dereitos da República; o segundo, o máis longo, analiza as diferentes tipoloxías de represión desde a perspectiva das mulleres que a sufriron; o terceiro busca recoñecer o labor solidario e resistente das mulleres e o seu apoio imprescindible á guerrilla.

A exposición está percorrendo a provincia de Pontevedra.