Evento: Galicia Maker Faire

A Galicia Maker Faire é un evento pensado para tódolos públicos e disciplinas, que reúne cada ano na Cidade da Cultura, en Santiago de Compostela, aos 'makers' máis innovadores. A gastronomía, a electrónica, a mecánica, a robótica, a música, a ciencia, a arte urbana ou a artesanía son algunhas das disciplinas que protagonizan o encontro, que intenta mostrar o traballo dos creadores máis innovadores e orixinais. 

Nesta edición, contará tamén cunha xornada dirixida unicamente ao sector profesional sobre a industria 4.0 e no que participarán referentes a nivel internacional no ámbito da innovación. Entre os poñentes estarán Tomás Garces, Lead Design Engineer en First Build, ou portavoces de Arian Group e Edesdev. Tamén estará presente o pai do software libre, Richard Stallman.