Evento: MAXIA DIVERTIDA "Contamaxias"

O Mago Paco non só conta historias: transfórmaas en experiencias inesquecibles onde a risa é a protagonista. A maxia, a narración oral e a participación do público combínanse para crear un espectáculo único que incentiva a curiosidade, estimula a creatividade e esperta o amor polos libros.

Nesta actividade, a maxia convértese no fío condutor que fomenta o gusto pola lectura dun xeito lúdico e participativo. A través de historias fascinantes e contos cheos de misterio, descubriremos que os libros agochan moito máis do que semellan á primeira ollada.

Achégate a desfrutar do espectáculo, agardámoste!

Actividade aberta a todos os públicos.

Duración: 60 min.

Horario: 11:00-12:00 horas

Espazo: Casa da Cultura, Carballo (Verea)