Evento: XIV Bienal de Pintura do Eixo Atlántico

A XIV Bienal de Pintura do Eixo Atlántico tamén pode ser visitada virtualmente

A Bienal Virtual permite coñecer as 25 obras de artistas de Galicia e do Norte de Portugal. Cada cadro ten unha ficha con datos sobre a obra e o/a autor/a

As 25 obras que forman a exposición contan cunha ampla variedade de estéticas e técnicas, de artistas de Galicia e do Norte de Portugal.  

Nesta galería virtual cada unha das obras ten un globo de información do propio cadro, así como tamén do seu autor/a, non só para coñecer máis en detalle a súa obra, senón tamén para facilitar o contacto do/a artista.

A exposición da XIV Bienal de Pintura do Eixo Atlántico inaugurouse o 23 de novembro no Vello Cárcere de Lugo.

A partir do mes de xaneiro de 2024, a exposición percorrerá as cidades de Braga, Bragança, Maia, Ribeira, Felgueiras, Vila Real, Vila Nova de Gaia, Barcelos, finalizando no mes de outubro en Monforte de Lemos.

Clique nesta ligazón para acceder ao catálogo da XIV Bienal de Pintura do Eixo Atlántico.