Evento: Voces olvidadas. As mulleres do Hospital de Conxo

O Psiquiátrico de Conxo, un dos máis antigos da península, contou desde os seus comezos (foi creado en 1885) cunhas instalacións modelo, dotadas dos máis modernos equipos e coa atención de prestixiosos profesionais. Pero tamén funcionaba cos patróns de xénero propios da época, onde mulleres consideradas naquel momento enfermas eran ingresadas polo feito de tentar transgredir os roles que a sociedade patriarcal reserváballes no ámbito do fogar. Ser muller e tola supoñía un dobre estigma.Eran mulleres silenciadas pola sociedade, recluídas na institución e cun contacto exterior estritamente controlado.

A exposición pretende dar a coñecer a riqueza do fondo do propio Hospital Psiquiátrico de Conxo, transferido ao Arquivo de Galicia en 2012 procedente do Servizo Galego de Saúde. A través destas pezas abórdase o estudo da psiquiatría e da saúde mental desde múltiples aspectos, entre os que se atopa a perspectiva de xénero.