Nadal en Rede

Escenificaremos o conto  "The Elf's inventions" e  haberá bailes, panxoliñas e unha gran festa de Nadal. Aforo limitado. É necesario recoller invitación en Kids&Us ou na Biblioteca a partir do 14 de decembro.

Coa música como fío condutor e coa imprescindible colaboración do público iranse debullando historias de Nadal pensadas para cativos de 2 a 5 anos e as súas familias.

O anecdotario persoal de Isi ficcionalizado para facernos rir coas historias máis divertidas do Nadal.

Rock, pero tamén reggae, contry, funk, ska, blues... para encher as vacacións de Nadal de música en galego actual e divertida.

Os escolares de infantil e de primaria de seis concellos da Rede de Dinamización Lingüística (Triacastela, Folgoso do Courel, San Cristovo de Cea e mais Piñor, Manzaneda e Oroso) recibirán a derradeira semana de clases do ano unha visita moi especial: os tres Reis Magos de Oriente pasarán polo seu centro e falaranlles na lingua propia de Galicia para que todos os nenos e nenas saiban o moito que lles gusta e que a aprecian.

Os 7 Magníficos máis 1 (os televisivos Fran Rei e Pedro Brandariz) agasallarannos cunha boa dose de risas e de alegría para despedir o ano 2014 e darlle a benvida ao 2015. Porque o Nadal non é só cousa de nenos, velaquí unha proposta para público de todas as idades que percorrerá 18 entidades da Rede de Dinamización Lingüística de toda Galicia coa colaboración da Deputación da Coruña no seu ámbito territorial. Trátase dunha serie de pequenas pezas humorísticas que nos farán contemplar as festas de Nadal cunha mirada desenfadada.

Versión teatral deste clásico da literatura infantil galega escrito en 1971. Nela Lucho Penabade e Tero Rodríguez continúan a historia orixinal contada polos adultos que lle deron vida á trama do Espantallo amigo de Xosé Neira Vilas. Cunha proposta escénica deseñada por Xosé Vizoso, a actividade ofrécelle como complemento ao público asistente un exemplar da reedición especial da peza ilustrada por Xaquín Marín e editada por Galaxia.

Dirixido a familias con nenos de máis de 7 anos, Espantallo amigo chegará este Nadal a 7 concellos da Rede de Dinamización Lingüística.

Magín Blanco, acompañado de María Faltri e de Jorge Juncal, animará a xente miúda da casa a seguir o ronsel das estrelas para gozar do Nadal coas músicas máis coñecidas de Gatuxo e A nena e o grilo, así como con panxoliñas inéditas do músico e compositor. A xira levarao a 19 localidades da Rede de Dinamización Lingüística.

Concerto de Nadal de Uxía, acompañada dos músicos Santi Cribeiro e Sérgio Tannus, que percorrerá 14 localidades da Rede de Dinamización Lingüística. O repertorio inclúe cancións dos famosos discos María Fumaça e Xiqui, xoque, fiú, fiú, ademais de panxoliñas e outras músicas tradicionais deste tempo. Para non perder!