Fados, cantos de berce, adiviñas... e ata unha canción dedicada á Galiña Azul para despedir o ano dedicado a Carlos Casares. Todo cabe neste concerto familiar en que a coñecida fadista interpreta as cancións do seu primeiro disco dedicado ao público infantil.
A irrepetible voz de Uxía e a poesía de Uxío Novoneyra nun concerto de Nadal en que a coñecida cantante interpreta os textos do poeta do Courel acompañada polo músico Sérgio Tannus. Un repertorio que recolle os temas do seu último álbum Uxía/o.
Desta volta, os seis intrépidos irmáns e o seu can Chispa terán que resolver un misterio que pode deixar os cativos e cativas de Galicia sen os agasallos que tanto tempo levan agardando. E é que se perdeu o camelo en que os Reis Magos traían todos os galanos. Conseguirán atopalo a tempo? Seguro que, coa axuda do público, serán quen de facelo. Únete a eles en oito concellos da Rede de Dinamización Lingüística
Senén Vaamonde e os músicos do grupo A Roda Alfredo e Manuel ofrecen esta actividade para que os nenos e nenas galegos coñezan un proxecto musical que une tres figuras representativas da historia da nosa música e das nosas letras.
O concerto chegará este Nadal a 12 concellos da Rede de Dinamización Lingüística.
A cantante Uxía e o acordeonista Santi Cribeiro desenvolven en dez concellos da Rede de Dinamización Lingüística este obradoiro para familias con nenos de 4 e máis anos, ás que se lles pedirá que axuden a contar un conto musical de Nadal unindo as súas voces ás dos dous músicos e acompañándoas con instrumentos de percusión que lles serán entregados para a ocasión. Deste xeito, irán coñecendo panxoliñas, xaneiras, cantares de reis e aguinaldos que poderán repetir nas súas casas durante as festas, para celebraren en galego estas datas tan especiais.
O Nadal é tempo de xoguetes e a Rede de Dinamización Lingüística quere apoiar os xogueteiros que os desenvolven na nosa lingua, animar os pequenos e pequenas a empregala nos seus xogos e aos seus pais e nais a transmitirlles o idioma propio de Galicia compartindo con eles espazos e tempos de ocio en galego. A empresa Brazolinda será a encargada de desenvolver este Nadal, en 10 concellos da Rede, un obradoiro para familias con nenos entre os 2 e os 10 anos que responda a estes obxectivos.
A familia máis famosa de Galicia, Os Bolechas, percorrerá este Nadal 10 concellos da Rede de Dinamización Lingüística para celebrar as festas cos nenos e nenas, a quen acompañarán mentres estes xogan. Haberá un concurso e exposición de postais; cartas aos Reis Magos; contacontos; xogos populares; sorteo de libros; obradoiros de chapas, de maquillaxe, de debuxo... e moitas outras actividades divertidas para toda a familia.
O actor Inacio Vilariño, da compañía Fantoches Baj, percorrerá estas festas 12 concellos da Rede de Dinamización Lingüística para achegarlles a grandes e pequenos (de máis de 3 anos) unha das figuras do Nadal tradicional galego: O Apalpador.
Visita do Carteiro Real na Sala Infantil da biblioteca.
Conto, bailes, panxoliñas e una gran festa de Nadal para os máis pequenos. Aforo limitado. É necesario recoller invitación en Kids&Us ou na Biblioteca a partir do 14 de decembro.
De 0 a 3 anos
