A paz construímola cada un de nós, no día a día; pouquiño a pouquiño, con pequenos detalles. Por iso é tan importante saber onde atopala. Traballo cheo de tenrura e bo facer, para lembrar que non hai camiños cara a paz: a paz é o camiño!
Esta actividade forma parte do programa Ler conta moito de dinamización lectora, da Rede Galega de Bibliotecas.
Quén mellor que o mesmo Martín Códax para descubrir a literatura medieval? O propio xograr achega aos participantes a esta etapa literaria e le algunha das súas cantigas.
Posteriormente, axuda aos participantes a practicar distintos tipos de letras co que realizar un documento medieval e iluminalo.
Esta actividade forma parte do programa Ler conta moito de dinamización lectora, da Rede Galega de Bibliotecas.
Unha sesión de electroqueer VJ que mestura audiovisuais, música electrónica e os diferentes fondos cos que conta a biblioteca relacionados co cinema.
Esta actividade forma parte da campaña de dinamización da lectura Ler conta moito, que desenvolve a Rede Galega de Bibliotecas.
Espectáculo infantil de monicreques coa música de Tchaikovsky.
Coa maxia da música e dos libros, os monicreques deste conto fan unha viaxe trepidante por todo o mundo. Coa interpretación en directo ao piano de O Quebranoces, de Tchaikovsky, as personaxes descubren a beleza da amizade, da lectura e da música.
Esta actividade forma parte do programa Ler conta moito de dinamización lectora, da Rede Galega de Bibliotecas.
Música e narración son os ingredientes que adobarán o relato do que aconteceu co chamado pergamiño Vindel e as cantigas do trobador vigués Martín Codax. Nenos e adultos interesaranse por este período da literatura universal a través do relato dun achado do que se conmemoran, en 2014, os cen anos.
Esta actividade forma parte da campaña de dinamización da lectura Ler conta moito, que desenvolve a Rede Galega de Bibliotecas.
Un primeiro contacto coa palabra, coa oralidade, cos libros a través dos sentidos, dos obxectos e das sombras. Pais, nais e bebés.... a viaxe é para todos. Nesta actividade, aproximaranse aos contos, sons, arrecendos, agarimos...
Esta actividade forma parte do programa Ler conta moito de dinamización lectora, da Rede Galega de Bibliotecas.
Leonardo da Vinci e os seus inventos; Velázquez o pintor do rei; Van Gogh o pintor tolo pola cor; Picasso e a xeometría; Luís Seoane: liñas, cores e contos; Mitoloxia: deuses e heroes para ler e crear. Imaxes artísticas, lecturas e pequenas actividades plásticas conforman estes divertidos obradoiros, nos que os rapaces reflexionan e dialogan a partir de imaxes artísticas e textos literarios, estimulan a creatividade e establecen conexións entre artes visuais, literatura, historia e ciencia.
Coñecemento da Historia dos Libros mediante a realización de diferentes talleres prácticos, nos que as e os participantes terán a oportunidade de manipular distintos materiais e texturas.
Esta actividade forma parte do programa Ler conta moito de dinamización lectora, da Rede Galega de Bibliotecas.
Proposta innovadora de poesía visual en memoria do poeta Díaz Castro. Os participantes van crear unha poesía experimental empregando a colaxe como ferramenta plástica; poderán variar o tamaño, estirar, dobrar, furar e incluso debuxar coas letras e colocalas no papel de formas nunca vistas.
Esta actividade forma parte da campaña de dinamización da lectura Ler conta moito, que desenvolve a Rede Galega de Bibliotecas.
Neste espectáculo abórdase o peliagudo tema do medo. Nel nenas e nenos aprenderán a afrontalo, a rirse del e a convertelo na porta para un mundo cheo de aventuras e fantasia. Como sempre Caxoto Contacontos servirase da música, a imaxe, o xogo… e dun público que será unha parte máis do espectáculo.
Esta actividade forma parte do programa Ler conta moito de dinamización lectora, da Rede de Bibliotecas de Galicia.
