Obradoiro

Se che interesa coñecer e comprender o proceso emocional e adquirir habilidades e estratexias sobre como xestionar as emocións na nosa vida cotiá para mellorar o noso benestar, este taller é para ti.

Sabemos que debemos coidar o noso corpo e o seu funcionamento biolóxico, aprendendo estilos de vida saudables. Con todo, non temos tan interiorizado o feito de prestar a mesma atención a coñecer como funciona a nosa mente ou sobre como aumentar o noso benestar emocional.

É necesario apuntarse por teléfono, na propia biblioteca ou a través do formulario da páxina web.

Lugar: salón de actos

Datas: venres 4, 11, 18, 25 de marzo

Horario: 11:00 a 12:30

Obradoiro, no que se experimenta coas palabras, escríbese, lese en voz alta o escrito e finalízase dando cada un a súa opinión.

Impartido pola voluntaria cultural Michelle Tatiana Nieves Cáceres. É necesario apuntarse por teléfono, na propia biblioteca ou a través do formulario que atoparedes na nosa páxina web

Durante o proceso de lectura de mitos e lendas da cultura galega e española en xeral, así como da latinoamericana, moi influenciada polo contacto con España, realizaremos un fanzine, que complementa o coñecemento desta parte da cultura oral. Entraremos no campo da memoria física utilizando a manualidade como lenzo transmisor de coñecemento.

Lugar: Sala de actividades

Para festexar o Día da Narración Oral propoñemos un contacontos ilustrado no que haberá moitas aventuras e viaxes con perigos ... e todo para salvar a un carballo centenario no que viven unha familia de esquíos.

-Público infantil, a partir de 3 anos

-Inscrición previa, a partir do 9 de marzo

-Uso obrigatorio da máscara, a partir de 6 anos

Os rapaces de infantil terán a oportunidade de facer un obradoiro relacionado coa chegada da primavera. Na actividade deberán utilizar os sentidos da vista, tacto, olfacto para coñecer as características e os nomes galegos dalgunhas herbas aromáticas que podemos atopar na natureza. Con elas faremos saquiños para ambientar a nosa casa.

-Duración da actividade: 1h 30 minutos

-Con inscrición previa a partir do 3 de marzo

-Público infantil de 4 a 7 anos

-Uso obrigatorio da máscara a partir de 6 anos

Este curso de iniciación permitirache, sen coñecementos previos e en moi pouco tempo, entender moito mellor o viño e aprender a aprecialo. Tres tardes para descubrir as principais claves para gozar do viño e aplicalas aos viños de Galicia. 

Á finalización do curso entregarase un certificado acreditativo. 

As persoas que asistan a este obradoiro deberán procurar na biblioteca un libro que lles chame a atención. Farase unha fotografía instantánea de cada escolla, a partir das sensacións xeradas nese primeiro contacto, cada persoa escribiralle unha carta a unha lectora ou lector descoñecido. As fotografías e cartas exporanse nun taboleiro da biblioteca, a xeito de recomendacións.

-Duración da actividade: 2 horas

-Con inscrición previa a partir do 23 de febreiro

-Uso obrigatorio da máscara

Neste obradoiro se traballarán técnicas e exercicios de:  desinhibición, espazo, sensibilización, expresión corporal, creatividade, relaxación, voz, improvisación, clown, desenvolvemento persoal, coaching, etc ...Todo de xeito ameno, lúdico e divertido

-Duración: 4 horas, 2 por sesión

-Inscrición previa a partir do 16 de marzo

-Público adulto

-Uso obrigatorio da máscara

A través da análise de imaxes de Rosalía de Castro (fotografías e retratos) e mais da lectura dalgúns dos seus poemas, achegarémonos á súa vida e obra. Na segunda parte do obradoiro realizaremos un pequeno exercicio de escritura no que cada participante entrará en diálogo con Rosalía dun xeito distinto (a través dun momento vital da escritora ou do título dun poema ou palabra extraída do mesmo, por exemplo).

-Público adulto

-Duración: 2 horas

-Con inscrición previa  a partir do 16 de febreiro

-Entrada de balde

-Uso obrigatorio da máscara

É necesario apuntarse por teléfono, na propia biblioteca ou a través do formulario da páxina web.

Lugar: salón de actos

Datas: venres 4, 11, 18, 25 de febreiro

Horario: 11:00 a 12:30

Obradoiro, no que se experimenta coas palabras, escríbese, lese en voz alta o escrito e finalízase dando cada un a súa opinión.