Obradoiro

Obradoiro infantil (de 4 a 6 anos). 

Inscrición obrigatoria e gratuíta.

Obradorio de iniciación ao teatro para adultos a cargo de Manuel Solla.

Os días 8,9 e 10 de setembro de 18.00 a 20.00 h.

Inscricións a partir do día 1 de setembro no formulario da páxina web da biblioteca.

Obradoiro de robótica educativa no que os nenos e nenas desenvolverán a súa creatividade deseñando, programando e dando vida a diferentes robots co material de lego education. Actividade que busca fomentar a aprendizaxe mediante o xogo mentres se constrúen os seus modelos con pezas, motores e sensores.

Este taller creativo é perfecto para fomentar as habilidades motrices, creatividade e concentración dos nen@s. Ademais transversalmente promóvese a reciclaxe como un hábito da rutina.

O "String Art" ou hilorama é unha técnica de fiado sobre cravos coa que entrecuzamos os fíos conseguindo un efecto decorativo e moi bonito. Unha madeira servirá de base para o cadro, utilizaremos fíos de cores cos que formaremos diferentes figuras xeométricas ou abstractas. Os participantes aprenderán unha técnica que axuda á relaxación e á concentración. 

Actividade pensada para rapaces de máis de 6 anos que se realizará nos exteriores da Biblioteca. As prazas son limitadas polo que é necesaria a inscrición previa no teléfono 988 788385

Descobre os segredos da maxia. Visita esta especial escola, onde os axudantes de mago aprenderán a facer trucos moi sinxelos e didácticos, creando experiencias inesquecibles e rescatando ao mago que todos levamos dentro. 

Actividade pensada para nenos e nenas de + de 6 anos que se desenvolverá nos exteriores da biblioteca. As prazas son limitadas polo que é necesario a inscrición previa chamando ao 988 788385.

Último dos catro obradoiros sobre a figura de catro mulleres precursoras da vida e do coñecemento científico, adicado a Margarita Salas (1938-2019) bioquímica molecular descubridora da ADN polimerasa. Falaremos de xenética dunha maneira moi sinxela a través de dous experimentos, o primeiro consistirá na extracción e visualización do ADN a partir dun amorodo e o segundo na obtención de pegadas dactilares, para estudar os dermatoglifos obtidos a facer un xogo ou rastrexo policial de identificación de persoas. 

Entraremos en contacto co modo de vida da Prehistoria e coñeceremos o uso dos pigmentos, os motivos e representacións das pinturas rupestres, a través da realización dunha pintura rupestre utilizando as técnicas e útiles do pasado.

Aproximarémonos á importancia do descubrimento do lume e a súa manipulación na evolución da nosa especie. Primeiro, realizaremos un percorrido polas diferentes salas da exposición permanente, onde coñeceremos as orixes e a multitude de usos do lume. Despois, exploraremos mediante a manipulación de réplicas, algúns dos métodos máis antigos para a súa produción, e coñeceremos os diferentes soportes inventados a través do tempo para manipular e tentar conter este prezado elemento.

Neste taller achegarémonos á época castrexa, coñecendo a importancia da agricultura e a gandería como fonte de recursos alimenticios, e descubriremos, con axuda da manipulación de réplicas arqueolóxicas, que a tecnoloxía da época xogou un papel fundamental para a supervivencia e o desenvolvemento das sociedades humanas. Finalmente, na parte práctica do taller aprenderemos o método de agricultura "bóla de arxila" tamén coñecida como Nendo Dango, e prepararemos nosa propia semente para levar a casa e plantala onde queiramos.

Durante a realización deste taller veremos os procesos de transformación da arxila desde a súa recollida ata que se converte en cerámica. A través de réplicas arqueolóxicas coñeceremos os diferentes métodos de fabricación e a gran cantidade de usos destes obxectos cerámicos ao longo dos tempos. Con nosas propias mans crearemos un recipiente castrexo, usando as técnicas e as decoracións típicas dos habitantes dos castros.