Sons como a martelada do ferreiro, a máquina de coser da costureira, o chifre do afiador, proporciónannos un punto de partida que nos introduce no mundo dos oficios a través de aspectos que poden resultar familiares, establecendo relacións que xeran coñecemento.
Desenvolvemento:
- Parte teórica: introdución con breve percorrido pola Sala dos Oficios.
- Parte práctica: recoñecemento de oficios e dos elementos que os definen protagonizados polos seus
sons.
Os xeroglíficos, as mensaxes cifradas e outras linguaxes gardaron información que, ás veces, segue a ser un misterio. Partindo da grande curiosidade que espertan, alimentando un devezo por coñecer que non sempre conseguimos resolver, convidamos aos participantes a mergullarse no seu enigmático mundo.
Desenvolvemento:
- Parte teórica: breve introdución audiovisual ao mundo dos códigos, mensaxes cifradas e aspectos relacionados.
- Parte lúdica: xincana arredor do tema.
Datas: do 1 ao 31 de xullo.
Duración: 60 m.
Debuxante e escritor, autor do célebre “Esconxuro da queimada” recitado moitas veces en múltiples celebracións en toda Galicia sen coñecer a súa autoría.
Os seus debuxos son os protagonistas desta actividade como salvagarda dunha realidade etnográfica que recrea contidos do museo.
Desenvolvemento:
- Parte expositiva: exhibición de obras do artista: “As árbores”, “Os espantallos”, “As nosas cousas”.
Queres pasar un bo rato e ademais aprender algo de ioga? vén este mércores á Nós!
Esta actividade está pensada para nenos e nenas de 6 anos en adiante, desenvolverase nos soportais da Biblitoeca e para asisitir é necesario a inscrición previa que pode facerse dende o venres anterior chamando aos seguinte números de teléfono: 988 788385 / 386
Obradoiro de robótica educativa no que os nenos e nenas desenvolverán a súa creatividade deseñando, programando e dando vida a diferentes robots co material de lego education. Actividade que busca fomentar a aprendizaxe mediante o xogo mentres constrúen os seus modelos con pezas, motores e sensores.
Esta actividade creativa é perfecta para desenvolver as súas habilidades motrices, a súa creatividade e concentración. Ademais transversalmente promóvese a reciclaxe como un hábito da rutina.
Lugar: sala de actividades
Idades de 6 a 12 anos.
15 prazas
O string art ou hilorama é unha técnica de fiado sobre cravos, que ao ir entrecruzándoos con fíos conseguimos un efecto bonito e decorativo.
Unha madeira servirá de base para o cadro, utilizaremos fíos de cores que tensándoos ao redor dun conxunto de cravos, formando formas, figuras xeométricas ou abstractas.
Os participantes aprenderán unha técnica que axuda á relaxación e á concentración.
Lugar: sala de actividades
Idades de 6 a 12 anos
12 prazas
Obradoiro experimental que busca motivar o interese e achegamento á cultura clásica, mediante o descubrimento de como traballaban os oleiros romanos e cales eran os procesos de fabricación dunha peza de cerámica
Lugar: sala de actividades
Idades de 4 a 12 anos
15 prazas
A importancia do bosquexo e da fisioloxía dos personaxes (cómo imaxinar a un personaxe, alto, baixo, gordo..., a expresión dos personaxes e da composición.
Como partir dun bosquexo (idea) e traballar ata ter un final, unha ilustración que represente unha parte do conto.
Lugar: sala de actividades
Idade de 6 a 12 anos
12 prazas
Obradoiro de robótica educativa no que os participantes desenvolverán a súa creatividade deseñando, programando e dando vida a diferentes robots co material de lego educación.
Actividade que busca fomentar a aprendizaxe mediante o xogo mentres constrúen os seus modelos con pezas, motores e sensores.
CAMPAMENTO ROBÓPOLIS
Co fin de facilitar a conciliación das familias viguesas, a Biblioteca Pública de Vigo Juan Compañel acollerá un campamento de robótica que se realizará de luns a venres non festivos durante os meses de xullo e agosto e está dirixido a nenas e nenos de 4 a 10 anos. O campamento Robópolis ten como obxectivos conseguir a diversión a través da imaxinación dos participantes e aprender coas novas tecnoloxías mediante robots adecuadamente preparados para o uso e a aprendizaxe de rapaces de todas as idades.
