A cargo de María Elena Portomeñe, participante do Programa de Voluntariado Cultural da Rede de Bibliotecas de Galicia, esta actividade está dirixida a nenas e nenos de 5 a 12 anos.
Os participantes fan bandeirolas coas palabras escollidas o día 21 na caixa de correos, para despois expoñelas na Sala Infantil.
Precísase inscrición previa, máximo 8 persoas.
Prégase presentarse dez minutos antes do inicio da actividade.
Partindo da lectura do poema 'Adiós ríos, adiós fontes', realizar entre os participantes un mural conxunto no que se traducirán as palabras de Rosalía en imaxes recompoñendo o poema con imaxes.
Obradoiro dirixido no que se darán pautas para interpretar o imaxinario en papel.
Na sala multiusos, para nenos e nenas de 4 a 12 anos. 20 prazas. É preciso apuntarse. Escola Lucense de Tempo Libre
Obradoiro creativo de ilustración e banda deseñada. Crear personaxes baseados na contorna dos participantes; inventar guións sobre a vida dos asistentes para que vivan a súa propia historia entre cadriños.
Xornada lúdica na que os rapaces aprenden recursos de expresión da novena arte.
Xosé Tomas esenvolve a súa actividade fundamentalmente no eido da ilustración e do humor gráfico. É membro da AGPI, Asociación Galega de Profesionais da Ilustración
Destinatarios: nenos de 6 12 anos
No primeiro semestre do ano, o Departamento de Didáctica do MARCO continúa coa súa programación dirixida a escolares e público familiar. As visitas e obradoiros, especialmente deseñados e adaptados a distintas idades, axúdanlles aos cativos a achegarse ás obras dos artistas participantes nas exposicións temporais.
Sábados e domingos de 12.00 a 14 horas.
O 30 de xaneiro é o Día da Ilustración. Foi creado en 2014 pola Xunta de Galicia para potenciar este sector e situalo no lugar que lle corresponde. Esta efeméride coincide co aniversario do nacemento de Castelao, gran debuxante ademais de político, escritor, pintor e médico. A Rede Galega de Bibliotecas Públicas conmemorará por tanto este día con diversas ctividades para a infancia e xuventude.
Como soa unha refrega de película? Bang!, Ouch!, Kapow!, Uggh! e un montón de sons máis que acompañan á música, aos diálogos, ao son ambiente… Para todos e todas aqueles que lles gustaría aprender a captalos, mesturalos e facelos teñen unha oportundidade de cine a través destes obradoiros, no que se dan a coñecer os diferentes procesos de son que se levan a cabo nunha produción audiovisual: desde a rodaxe, á montaxe, edición e mestura final. E todo dunha forma moi divertida a través de fragmentos de películas de ficción e animación galegas que logo os participantes xogan a reproducir.
Garabatos daralles aos rapaces de máis de 4 anos idade a posibilidade de descubrir, cuns contos, as distintas técnicas da ilustración.
Coordinada por Luz Martínez, esta actividade ten por obxectivo espertar nos nenos o interese pola lectura a través da música, o movemento e a psicomotricidade. Para nenos e nenas de 6 a 8 anos.
Os sábados Sarabela farán actividades lúdicas e instructivas para os rapaces entre 6 e 12 anos. Sábados 10, 17 e 24 de xaneiro ás 11:30.
Neste obradoiro práctico, con motivo do Día da Ilustración o 30 de xaneiro, realizarase un mural recreando un cadro de Paul Klee (1879-1940) o pintor alemán nacido en Suiza, tamén poeta e músico, cuxas especialidades eran a luz e a cor. Esta actividade é a cargo de Elena Portomeñe e Pablo Suárez, participantes no Programa de Voluntariado Cultural da Rede de Bibliotecas de Galicia, para nenas e nenos desde os 4 anos. Precísase inscrición previa, máximo 10. Prégase presentarse 10 minutos antes do comezo da actividade
