Obradoiro

Primeiro, os participantes dedicaranlle un tempo a tocar, fregar, acariñar, probar, degustar, asociar, clasificar e crear empregando criterios como a simetría, a analoxía, o contraste, a multiplicación, a superposición, a sonoridade, a beleza, o cheiro... Pasearán descalzos por un camiño táctil para sentir as texturas, recoñecerán os materiais a cegas en caixas compartimentadas, escoitarán os obxectos con estetoscopios ou recoñeceranos a través do olfacto e do gusto.

A través deste divertido xogo por equipos, os/as participantes coñecerán algo máis sobre a orixe e significación do Día das Letras Galegas, e os autores e autoras homenaxeados ata o momento, ao tempo que descubrirán interesantes datos sobre a vida e obra do autor homenaxeado este ano.

Actividade dentro do programa Ler conta moito, da Rede de Bibliotecas de Galicia.

Cun carácter práctico, o taller ofrecerá aos participantes, os recursos, as técnicas e os mecanismos necesarios para o desenvolvemento do oficio literario. Temas, fontes, personaxes, construcción da drama e punto de vista serán os eixos que vertebren o evoluir do traballo.

Poderán participar 10 persoas, para elo deberán apuntarse na oficina de Administración. Terá lugar os días 18 e 25 de maio e o 8 de xuño, de 18:00 a 20:30 horas, na sala multiusos.

Os participantes convertiranse nos verdadeiros protagonistas dunha actividade breve pero intensa na que, como resultado final, poderán ter a posibilidade de vivir un texto.

Poderán participar 20 persoas, para elo deberán apuntarse na oficina de Administración.

Terá lugar o 24 de maio ás 18:00 horas na sala multiusos.

Neste Obradoiro ilustraremos os poemas e textos do escritor homenaxeado Manuel María e construiremos un libro despregable coas súas ilustracións. Escoitaremos poesías, fragmentos de textos, cancións para debuxar a partir das descricións literarias recollidas nos libros: Os soños na gaiola, A tribo ten catro ríos, Os ontes do silencio, O bigote de mimí.

Os máis pequenos achegaranse á figura de Manuel María a través do rap. Da man de Für alle Falle (Iñaki López e Vanesa Castro), os participantes desenvolverán as súas habilidades musicais e literarias neste obradoiro co que se busca motivar aos rapaces a compoñer as súas propias creacións, fomentar a creatividade e o traballo en equipo, e dar a coñecer e difundir a obra de Manuel María.

O xogo consiste en meter un pouco o fuciño no surrealismo de Miró e ser pintores e ilustradores de contos.

Un traballo de imaxinación e creación plástica que ten como resultado unha gran ilustración que presenta os personaxes da historia coa que traballa todo o equipo de nenos e nenas ilustradores.

Actividade creativa do programa de Ler conta moito, da Rede de Bibliotecas de Galicia.

En este obradoiro as rapazas e rapaces reproducen mediante teatro de sombras algunhas das viñetas do autor, debuxando en cartolinas ou transparencias os personaxes e decorados para despois animalos a través dun teatriño.

Esta actividade forma parte da programación de Ler conta moito, da Rede de Bibliotecas de Galicia.

Neste obradoiro práctico crearanse viñetas e memes partindo de imaxes e novas de actualidade.

Coñeceranse as técnicas, estratexias e ferramentas contemporáneas para crear e compartir humor gráfico.

Non é necesario debuxar ben, só ter un chisco de inxenio ou sentido do humor (ou nin eso).

Obradoiro para adultos e mozos de 16 a 116 anos. 

Actividade de Ler conta moito, de la Rede de Bibliotecas de Galicia.

Que acontece cando mesturamos os contos e a cociña? Pois que contamos coas mans na masa!

A partir da historia de Pepiño e Maruxa e a súa disputa por facer o pan, nesta actividade de OQO editora desenvolverase un workshop creativo onde os cativos fan os personaxes do conto...con masa de pan!

Actividade de Ler conta moito, da Rede de Bibliotecas de Galicia.