Campaña de sensibilización para promover a integración social das persoas xordas e xordocegas e conseguir unha efectiva igualdade de oportunidades de acceso á educación e ao emprego. Actividade organizada pola Asociación de Persoas Xordas de Pontevedra e a Área de Benestar do concello de Pontevedra. Entrada libre ata completar aforo.
Escolle a túa canción, fai unha coreografía, idea un fondo e a gravar. Este Nadal propoñémosvos ser os protagonistas do voso propio videoclip. Prepararemos uns fondos, xogaremos co croma, aprenderemos os pasos de baile e ata faremos playback para dar lugar a un dos mellores vídeos do 2014 que, por suposto, enviaráseche a casa para que poidas compartir con amigos e familia.
+ info: https://www.cidadedacultura.org/gl/evento/o-meu-videoclip
O Museo Centro Gaiás convértese este Nadal nun auténtico plató de cine… de plastilina. Coincidindo co 25 aniversario de Sempre Xonxa, a xa mítica película de Chano Piñeiro e pioneira do cinema galego, os participantes neste obradoiro modelarán en plastilina e darán vida aos seus personaxes para crear unha película en stop motion.
Un divertido obradoiro co que os máis pequenos achegaranse aos inicios do cinema galego mentres os seus pais revivirán escenas míticas da nosa historia audiovisual.
Cal é unha das actividades que máis nos gusta facer? Xogar. E cal é un dos símbolos da cultura en Galicia? A música e as danzas tradicionais. Podemos xuntar as dúas cousas nun mesmo obradoiro? Claro!
Da man de Edith Cotilla Quintela e Gustavo Couto Rodríguez descubriremos unha chea de xogos cos que introducirnos no baile tradicional por medio de pasos e figuras sinxelas para rematar nunha sesión de xogo-baile colectiva na que gozar en familia.
Obradoiro de decoración navideña para nenos de 7 a 12 anos, que aprenden a decorar a casa con materiais moi sinxelos. De 10 a 12 horas. Máximo 15 asistentes. É preciso reservar.
Crear melodías máxicas con só facer xirar unha manivela. Esta é a proposta do músico Germán Díaz, mestre da zanfona, un instrumento co que é capaz de espertar as emocións máis profundas.
Este Nadal, nenos e adultos teredes a oportunidade de compartir tres horas con este músico para levar a cabo a fermosa tarefa de compoñer unha peza musical que poida ser interpretada por un dos instrumentos de manivela da súa colección.
En moitas culturas, a árbore é símbolo de unión e de historia colectiva. Por iso, o Concello de Santiago pon en marcha a Árbore das ilusións, que ten como obxectivo crear unha árbore de todos e para todos na que, peza a peza, se representen as ilusións e desexos dos veciños de Compostela.
Obradoiro para adultos no que poderán levar á práctica nocións básicas para envolver agasallos de forma orixinal.
Venres 12 de decembro, de 10 a 12 horas.
Máximo 15 asistentes. É preciso reservar.
Obradoiro de manualidades no que aprenderemos a facer bolsas, caixas e envoltorios para os agasallos destas festas, a cargo de Elena Portomeñe, participante do Programa de Voluntariado Cultural da Rede de Bibliotecas de Galicia, e Silvia Codesido, alumna en prácticas do IES “Pontepedriña”. Para nenos e nenas de 6 a 12 anos. Precísase inscripción previa, máximo 8. Prégase presentarse 10 minutos antes de que empece a actividade.
Faremos árbores do Nadal coa técnica do origami. A cargo de Silvia Codesido, alumna en prácticas do IES Pontepedriña. Para nenos e nenas de 9 a 14 anos. Precísase inscripción previa, máximo 8 participantes. Prégase presentarse 10 minutos antes de que empece a actividade.
