Mediante un conxunto de experiencias aparentemente “máxicas”, introducirémonos no fascinante mundo da ciencia, formulando hipóteses e chegando a conclusións seguindo un método científico. Pode converterse a auga en viño?, globos ignífugos, momentos eléctricos, o Ketchup da verdade, estás forte?, movendo o aire... a canonazos... son algúns dos desafíos aos que se enfrontarán os asistentes ao obradoiro.
Proposta innovadora de poesía visual en memoria do poeta Díaz Castro. Os participantes van crear unha poesía experimental empregando a colaxe como ferramenta plástica; poderán variar o tamaño, estirar, dobrar, furar e incluso debuxar coas letras e colocalas no papel de formas nunca vistas.
Esta actividade forma parte da campaña de dinamización da lectura Ler conta moito, que desenvolve a Rede Galega de Bibliotecas.
A actividade Queres ser axudante da nosa biblioteca está dirixida a nenos e nenas de 6 a 12 anos. Nela poderán participar, previa inscrición, aqueles rapaces que queiran coñecer o labor que se desenvolve no centro, así como os traballos que fan que un libro chegue finalmente a disposición do público.
Recreamos a historia do libro con realidade aumentada é un obradoiro para conmemorar o Dia das Bibliotecas, no que os participantes escribirán de forma colaborativa unha historia sobre a evolución do libro e o seu contexto, para posteriormente recreala empregando a tecnoloxía da realidade aumentada. O obradoiro desenvolverase na biblioteca Ánxel Casal e nel poderán participar rapaces e rapazas de entre 10 e 14 anos, previa inscrición no teléfono 881 999 401 ou na propia biblioteca.
Para conmemorar o Día da Biblioteca, creado en 1997 para concienciar á sociedade sobre a importancia da lectura na infancia e xuventude e salientar o encomiable labor dos bibliotecarios para dinamizar a lectura, bibliotecarias e bolseiras da Biblioteca de Galicia organizan Coñecendo outras culturas.
Neste obradoiro os participantes deben cooperar para facer unha adaptación dun conto tradicional para sombras chinesas.
Os participantes deben construír o teatriño, os personaxes e diferentes elementos da escenografía.
Esta actividade forma parte da campaña de dinamización da lectura Ler conta moito, da Rede Galega de Bibliotecas
Pintamonas, elefantas e xirafas está dirixido a nenos e nenas de entre 5 e 12 anos. Nel, a partir dos libros favoritos de animais, os cativos daranllevida aos personaxes a través da ilustración, a colaxe ou o volume.
Esta actividade forma parte da campaña de dinamización da lectura Ler conta moito, que desenvolve a Rede Galega de Bibliotecas.
Neste obradoiro de ilustración infantil, os cativos fan do ordinario extraordinario; descubren o artista que levan dentro; e transforman as verduras ou os froitos secos naquelas personaxes que sempre soñaron. Os nenos e nenas participa no mural colectivo que se subirá á web da biblioteca.
Esta actividade forma parte da campaña de dinamización da lectura Ler conta moito, da Rede Galega de Bibliotecas.
O debuxante Yago García ensina deede as técnicas básicas de debuxo ata cpmo realizar un cómic. Sábados alternos ás 11:30. Precisa inscrición. A partir dos 12 anos.
Coñecer o funcionamento interno dos libros en formato electrónico e as ferramentas para publicalos.
Dixirido a rapaces e rapazas maiores de 16 anos de idade. Precisa inscrición. Todos os martes ás 19:30 h.
