A Orquestra de Cámara Galega interpretará 3 obras do mestre Groba, unha instrumental e dúas coa participación da soprano Laura del Río. A primeira obra reflicte a necesidade de vivir o momento, hoxe máis ca nunca, e as pezas de voz recollen o espírito da música de raíz popular, a etnografía galega como inspiración para convertela en dúas obras líricas cheas de alma galega.
Tras o seu recente 25 aniversario, a Orquestra de Cámara Galega cumpre cun ambicioso plan de difusión, incluíndo repertorios novos e creación de novos públicos. A súa excelencia interpretativa permítelle abarcar un amplo repertorio, desde o barroco ata os nosos días, asumindo o compromiso de dar a coñecer a música de compositores galegos , cunha especial mención á obra do compositor Rogelio Groba Groba.
A primeira sesión do ciclo de outono tráenos de novo a Buster Keaton, neste caso para asistir a unha das súas máis inspiradas películas: O Último Cowboy, unha desternillante aventura onde o xenio texano enfrontarase á dura vida rural estadounidense nunha aventura cómica que aúna diversión, acción, tenrura e unha gran mensaxe de amor aos animais.
Ademais, a proxección da película estará acompañada da exposición fotográfica FRONTEIRAS comisionada polo colectivo fotográfico FVCK, na que varios autores expoñerannos a súa particular visión das diferenzas entre o urbano e o rural.
Carmina Burana estreouse en Frankfurt no ano 1937. Oitenta anos despois segue soando nas salas de concertos de todo o mundo. A obra máis famosa de Carl Orff celebra o hedonismo, os praceres, o gozo por vivir pero tamén mostra unha crítica mordaz da sociedade.
Baseada nalgúns dos poemas medievais, revélanos os conceptos tradicionais da vida e a morte na Idade Media.
A Orquestra Clásica de Vigo pechará o ano celebrando o tradicional Concerto Extraordinario de Nadal. O programa retomará o primeiro concerto cancelado pola pandemia, programado inicialmente para o 14 de marzo. Tras este momento, tentouse reprogramar en varias ocasiones pero non foi posible.
Por este motivo, programamos esta proposta no maldito concerto de nadal, en agradecemento a Berta Fresco, polo seu traballo e comprensión ante unha decisión tan complicada como é deixar marchar o traballo de meses.
Apoiada por 30 anos de éxito e 5 millóns de espectadores en todo o mundo, esta produción recibiu grandes ovacións nas grandes salas de toda Europa: no Musikverein de Viena, Concertgebouw en Amsterdam, a Philarmonie de Berlín, o Musikhalle en Hamburgo, o Auditorio Parco della Musica de Roma, o Gran Teatre del Liceu ou o Palau da Música de Barcelona, o Teatro Real e o Auditorio Nacional de Música de Madrid, etc.
Novos talentos galegos da música clásica gañadores de premios nacionais e internacionais presentan o seu novo repertorio no concerto benéfico a favor de Down Coruña no Auditorio sede Afundación a Coruña.
A recadación será destinada integramente a contribuír á realización e mantemento dos servizos que desenvolve Down Coruña en prol das persoas con Síndrome de Down e outras Discapacidades Intelectuais.
O Concello de Nigrán reforza a súa ligazón co jazz ofrecendo o sábado 27 de novembro un concerto do pianista internacional Jean-Michel Pilc e unha master-class. O músico e educador francés afincado en Canadá tocou no festival Nigranjazz 2019, ten lanzado tres aclamados discos de piano en solitario (o último no 2018) e forma parte dun conxunto de referencia mundial xunto ao baixista François Moutin e o baterista Ari Hoening.
O Grupo de Ciudades Patrimonio de la Humanidad organiza o VIII Ciclo de música de cámara. O ciclo conta coa colaboración da Escuela Superior de Música Reina Sofía e recalará en espazos singulares das 15 cidades españolas con selo Unesco, até o mes de decembro. Facer música de cámara en lugares únicos, cheos de historia, onde a música e espazos poténcianse mutuamente e enriquecen a experiencia do público.
Lorena Reinaldo, Paula Oanes, Josefa Fernández e Elena Paz forman Lulavai, insólito cuarteto feminino onde o protagonismo das arpas e o son doce das súas voces dan vida a un estilo propio e único.
Presentan o seu último disco, Lémbrame un soño, temas de composición propia que ofrecen orixinais e evocadores sons.
