Clásica

John Potter e Ariel Abramovich solicitaron a coñecidos músicos como Sting, Tony Banks (teclista de Genesis) e John Paul Jones (baixista de Led Zeppelin) que lles escribisen unhas cancións para interpretalas ao laúde. John Paul Jones suxeriulles o arranxo das súas tres cancións españolas Amores Pasados (tres poemas de Lope de Vega) que dan título a este proxecto no que o cuarteto de Amores Pasados esvaece a fronteira entre música culta e popular, entre música antiga e nova, combinando a sensibilidade destas figuras do rock coa antiga música de Campion, a do misterioso Mr.

Trinta anos de éxitos en todo o mundo, recoñecementos e premios avalan o rigor da carreira desta agrupación italiana que sen dúbida contribuíu decisivamente a revolucionar os criterios para a execución da música antiga. E regresan coa súa grande especialidade: os madrigais de Claudio Monteverdi. Os nove libros de madrigais do compositor de Cremona constitúen a culminación deste xénero. Nada mellor que a sensibilidade, a técnica e a expresividade de Concerto Italiano e Alessandrini para descubrir a mestría de Monteverdi

Con ocasión do 350º aniversario da morte de Tarquinio Merula, Raquel Andueza e La Galanía achégannos a un dos compositores máis importantes, e tristemente un dos máis esquecidos, do século XVII. A súa música non ten nada que envexar á dos seus contemporáneos Claudio Monteverdi, Francesco Cavalli ou Barbara Strozzi. Organista, violinista e compositor italiano, foi un dos autores máis innovadores no campo da música sacra do Seicento.

O coro infantil, nacido no seo do coro Capela Madrigalista de Ourense, está dirixido por Cristina María Rodríguez Boado e desenvolve un proxecto artístico e pedagóxico.

O número un dos tenores españois segundo Plácido Domingo debuta en Ferrol cun concerto no que interpretará arias de óperas e cancións. O concerto gravarase en directo e formará parte do novo cd de Albelo, que a próxima tempada será o único tenor español en participar na programación do Metropolitan de Nova York. O cantante canario chegará ao novo Auditorio de Ferrol despois do seu recente triunfo na Ópera de Viena con "Anna Bolena" xunto a Ana Netrebko.

Concerto dos organizados pola Concellería de Cultura do Concello de Ourense con motivo do ciclo: Enclave de Cámara. Nesta ocasión, o grupo convidado é o trío formado por Javier Otero Neira (piano); Humberto Armas (viola) e Thomas Piel (violoncello), músicos novos pero de carreiras artísticas veteranas.

'Doce cancións galegas' é un traballo da soprano Begoña Salgueiro e do pianista Brais González que achega a música contemporánea con textos poéticos clásicos da literatura galega (Rosalía de Castro, Manuel Curros Enríquez, Vicente Risco, Ramón Cabanillas, Antonio Noriega Varela, Xosé Ramón e Fernández-Oxea), musicadas por diversos compositores españois da segunda metade do século XX.

A acción ten lugar en Naxos. Dous irmáns, Osmino e Tirsi, criáronse de forma independente na illa sen coñecer a súa relación. Osmino, rebautizado Morasto polos seus secuestradores foi escollido polo rei pirata Oralto para ser un dos seus lugartenentes. Tirsi, chamado Osmino (o nome real do seu irmán) dedica a súa vida para buscar o pracer.

• Obras clásica, románticas e modernas para trío de corda. Tamén temas galegos en versións propias.

• Música variada para trío desde clásica ata moderna con temas de Mozart, Vivaldi, Strauss, Brahms, Gradel, Lara, etc..