Antiga

O programa de concerto para Espazos Sonoros vertébrase arredor da obra que lle dá título, do compositor contemporáneo David Maslanka, con claras influencias da música renacentista e barroca, que alterna con outras obras de autores barrocos, na intención de achegar o saxofón a un período da historia da música no que, por mor da súa curta idade, aínda nunca estivo presente.

Como peche á xornada de rolda polos órganos das terras de Santiago de Espazos Sonoros, ofrécese este concerto de Marco Aurélio Brescia, pianista, organista e  doutor en musicoloxía e coñecedor en profundidade da historia dos órganos galegos, tema que tratou na súa tese doutoral.