Outras actividades

Empréganse nelas os xogos artesanais da empresa Brazolinda, en galego e deseñados para que poidan xogar xuntos grandes e pequenos. Estes xogos teñen unha grande aceptación entre as familias e tamén se empregan como material didáctico nas aulas, pois a través das matemáticas, da expresión oral, da mitoloxía galega, do Camiño de Santiago, das adiviñas... favorecen a socialización ao tempo que fomentan, non só a aprendizaxe de contidos, senón tamén a introdución do galego en calquera ámbito ou temática educativa.

Proxección do filme The innocents (Jack Clayton, 1961), dentro do Ciclo de Cine Mazarelos. A presentación correrá a cargo de Xavier de Donato.

ARTE NA AULA. OS ARTISTAS CONTEMPORÁNEOS COMO PUNTO DE PARTIDA DE PROPOSTAS DIDÁCTICAS. CURSO DE EDUCACIÓN ARTÍSTICA

22 outubro 2022 - 12 novembro 2022

Horario
sábados de 10 a 14 h e de 16 a 20 h

Coordinación: Virginia Villar

Dirección: Gael Zamora Lacasta

Prazas: 20 por quenda

Debido á gran demanda e despois dun tempo marcado pola distancia, o programa Arte na aula retoma a formación presencial cun curso que xa se impartiu en liña en 2021: Os artistas contemporáneos como punto de partida de propostas didácticas.

O outono no Gaiás tráenos tres actividades para gozar do tempo compartido en familia: creatividade, natureza, arte e música, salteados con moita diversión, serán os ingredientes deste programa para unhas tardes de sábado cos e as máis pequenas como grandes protagonistas.

Proxección do filme I walked with a zombie (Jacques Tourneur, 1943), dentro do Ciclo de Cine Mazarelos. A presentación correrá a cargo de Miguel López Golán.

A iniciativa reunirá na Cidade da Cultura de Galicia a mocidade de diversas nacionalidades para debater sobre a proxección e a utilidade do galego no marco internacional.

O evento, incluído no Fondo TeCeRedes da Secretaría Xeral de Política Lingüística, terá lugar o sábado 15 de outubro no Auditorio Neira Vilas da Cidade da Cultura. Pretende mostrar o territorio da lusofonía coma un espazo de oportunidades para a mocidade a nivel laboral, formativo, artístico e cultural ao tempo que presenta o galego como unha ferramenta útil e atractiva coa que conectar con esta parte do mundo.

A biblioteca cede o espazo a Flying Fun para a realización dunha serie de actividades como contacontos, baile, ioga, xogos e manualidades coas que aprenderemos vocabulario e expresións en inglés á vez que nos divertimos e facemos exercicio.

No salón de actos. Para 15 nenas e nenos de 3 a 8 anos que poden vir acompañados dunha persoa adulta. As persoas interesadas poden retirar o convite no mostrador de Información da biblioteca dende 30 minutos antes do comezo da actividade.

A observación do ceo nocturno con telescopio (se as condicións meteorolóxicas non acompañan, trasladarase a outro día) iniciarase ás 20.00h no salón de actos cunha breve explicación sobre o que as persoas participantes van poder avistar. A continuación, iniciarase no exterior da biblioteca a observación dos astros a través do telescopio, cunha duración aproximada dunha hora.

Para todos os públicos. As persoas interesadas poderán recoller a invitación no mostrador de Información da biblioteca a partir das 18.00h. O número máximo de participantes é de 30.

O secretario xeral de Política Lingüística, Valentín García, presentou a programación organizada pola Xunta de Galicia e Nordesía Producións para festexar o domingo 25 de setembro o Día Europeo das Linguas dentro do festival Maré, Músicas e Artes atlánticas 2022 e nos concertos do Xacobeo 21-22.

NALGURES. CICLO DE CINE

28 setembro 2022 - 30 setembro 2022

Horario: 19:00 h

Auditorio e sala da primeira planta do CGAC

Coordinación: Gema Baños, Carmen Hermo y Virginia Villar

Dirección: Natalia Poncela

Prazas: Entrada libre e de balde