Outras actividades

Nova sesión das Mañás poéticas, unha lectura aberta e libre de textos de diferentes autoras e autores, que no mes de abril adicamos á xornalista e poeta Nieves Neira.

Celebramos o Día do Cómic cunha actividade participativa. Queremos facer unha selección colectiva dos cómics favoritos das lectoras e lectores da biblioteca. Para iso empregaremos a ferramenta Padlet para que poidas subir a BD da túa elección cunha imaxe e un texto.

Tes que escanear o Código QR ou entrar na seguinte ligazón:

https://padlet.com/pablogomezrey/a-mi-a-bd-favorita-6d7c88cof0ucm7ul

O sábado 14 de marzo, a partir das 10:30, temos reunión aberta do club de xogos de mesa de adultos. Apúntate e pasa unha mañá divertida probando e aprendendo diversos xogos de mesa xunto a algúns dos integrantes do noso club regular.

A partir de 18 anos.

Inscricións dende o venres 6 de marzo na biblioteca ou chamando ós teléfonos 988 78 83 85 e 988 78 83 86.

No segundo andar da biblioteca temos unha recreación a escala dun campamento militar romano, similar ao orixinal situado en Bande (Ourense) e repasa as cinco décadas de traballo arqueolóxico neste importante xacemento. Organizada por la Fundación Aquae Querquennae-Vía Nova e financiada pola Consellería de Cultura, Lingua e Xuventude.

Grandes e pequenas obras literarias, no mes no que se celebra o Día do cómic teredes esta mostra bibliográfica na Sala Infantil.

Desde Provivienda Ourense e no marco de actividades para este 8M, realizarase unha actividade esta tarde de 16:00hs a 17:30hs. Será un obradoiro manual de creación de portas e venás con frases e/ou fotos de mulleres que nos motiven.

Será una actividade aberta ao público en xeral.

Para festexar o marzo asiático na biblioteca, o artista xaponés Masakazu Shida,  volve para achegarnos a esta tradición milenaria tan propia da cultura nipona. 

As prazas son limitadas polo que é necesaria a inscrición previa que poderase realizar dende o venres 13 de marzo ás 9 h nos números de teléfono: 988 788385 /386 ou ben presencialmente.

Este ano ligamos o día do cómic co marzo asiático. Así, propoñemos unha mostra bibliográfica tanto de cómics asiáticos como de outros de autoría occidental que foron influenciados na estética, narrativa e temas pola escola asiática. 

Do 16 de marzo ao 18 de abril.

Para conmemorar o marzo asiático (iniciativa surxida na canle de Youtube de Magrat Ajostiernos), no Espazo Xove seleccionamos unha serie de obras do xénero fantástico escritas por autorías procedentes de Asia. Unha boa maneira de achegarnos a diferentes formas de escribir.

 Do 2 ao 31 de marzo.