Evento: Os Xoves da Capela: Quant

Os Xoves da Capela: Quant
xoves, 26 maio, 2022 - 21:00
Teatro Jofre,
Ferrol

Os Xoves da Capela: Quant

Concerto dos ferroláns.

En poucas ocasións atopámonos un grupo como os ferroláns Quant, un conxunto de románticos aos que une o seu amor ao pop e a procura continua da canción perfecta. Unha utopía? non cando a maxia está do teu parte. A banda foi crecendo aos poucos con cada EP autoeditado que foron regalando aos que nos achegamos polos seus concertos buscando esas letras desenfadadas e esas guitarras cristalinas que conseguen debuxarnos un sorriso na cara.

As súas cancións comezan a asolagar fanzines, recompilatorios -Radio Filispim, A Fonográfica Xeral, os do selo Bon Vivant- e singles de vinilo ata que o 27 de maio do 2007 prodúcese un dos feitos máis gloriosos para a banda, tocan no mítico The Cavern de Liverpool, o berce dos Beatles. Posteriormente incorporaríase Miguel Fuentes á batería.

No 2009 e debido á insistencia de amigos e fans decídense a lanzar o seu primeiro longo,New Adventures in Full Colour (Quant, 2009), un traballo autoeditado no que nos presentan catorce cortes de pop  luminoso atemporal. O disco é apuntado en publicacións como Roteiro 66 e a MondoSonoro, e os seus ecos chegan ata Michigan: o selo Jam Records interésase neles e pídelles copias para vender no seu radio de acción. Bendito surrealismo.

Máis eventos de tipo Concerto

Los Mecánicos
26 de xuño
Campo da Leña
Festa da Música: Pablo Sax Trío
26 de xuño
Teatro Colón
ETRAD
26 de xuño
Sala Rebullón
Picadiscos Marifaltri
26 de xuño
Praza do Mercado