Evento: Vertixe sonora · Sementeira para cinco músicos

O conxunto galego Vertixe Sonora, referente internacional da música contemporánea, propón unha das citas máis experimentais do ciclo Contemporáneas 2025-2026.
O concerto reúne catro estreas absolutas de Violeta Cruz, Sky Macklay, Tianyu Zou e Po Chien Liu, compositoras e compositores de tres continentes que exploran o son como materia viva.
A peza colectiva Sementeira para cinco músicos xorde como un laboratorio de ideas, un espazo onde o xesto, o silencio e o tempo se transforman en corrente sonora. Unha proposta que convida a escoitar a auga non como imaxe, senón como principio compositivo: aquilo que flúe, erosiona e renace.