Evento: Artillery

Artillery é unha banda danesa pertencente ao movemento thrash metal dos anos 1980, e foi partícipe no desenvolvemento primigenio do xénero. A súa música, altamente enérxica, caracterizouse polo machuque de riffs e a velocidade, ao estilo de Metallica e Slayer, tamén da época.

A banda formouse en 1982 en Taastrup, un suburbio de Copenhague. Os seus membros eran: Jürgen Sandau e Michael Stützer en guitarra, Morten Stützer en baixo, Carsten Nielsen en batería e Carsten Lohmann o cantante. O grupo gravou os demos Shellshock e Deeds of darkness en 1984. Carsten Lohmann abandona a banda en 1985 e é substituído por Flemming Rönsdorf. O mesmo ano Artillery grava o seu terceiro demo: Fear of tomorrow para Neat Records e lanza o seu primeiro álbum, tamén titulado Fear of tomorrow. O seu segundo traballo: Terror Squad foi lanzado en 1987. Ambos os discos son considerados clásicos de culto no xénero do thrash metal, a pesar que non gozaron no seu tempo dunha boa distribución por parte de Neat Records ao redor do mundo. O guitarrista Júrgen Sandoau deixa a banda en 1989,así é que o baixista Morten Stützer asume a súa posición e déixalle o baixo á nova incorporación: Peter Thorslund. O seu terceiro álbum: By Inheritance, foi lanzado en 1990 para Roadrunner Records. Artillery disolveuse en 1991, algúns dos seus membros seguiron con proxectos musicais durante o resto dos 90. Tras a edición en 1998 dunha compilación titulada: Deadly Relics polo selo Mighty Music, ofrecendo unhas mesturas de vellos demos máis dúas cancións dunha cinta promocional de 1989, a banda reúnese para crear o seu cuarto álbum: B.A.C.K. que foi lanzado en 1999 por Diehard Music.