Evento: Tania Veiras

Empezou o 2020 con moi bo pé. As cousas rodaban en todos os sentidos. Levaba oito anos feliz coa súa parella, gozaba de boa saúde, e a falta dun, tiña tres traballos. Con todo, chegou marzo e, como a moitos, os plans fóronselle ao traste.

Se pasara de estar no vértice superior do triángulo á base, a partir de maio, a vida comezoulle a brindar chanzos moi sólidos aos que agarrarse para subir de novo. As súas ganas de traballar puxéronllo fácil. Para a campaña de Nadal, aproveitando os 16.000 seguidores que ten na súa conta de Instagram, ocorréuselle apoiar ao pequeno comercio a través das súas redes de maneira totalmente altruísta. «As empresas, non só do meu pobo senón de toda Galicia, poñíanse en contacto comigo, e os xoves e os domingos subía un vídeo con ideas para regalar», explica.