O Arquivo Historico Provincial de Pontevedra súmase, un ano máis, á celebración da Semana Internacional dos Arquivos, promovida polo Consello Internacional de Arquivos (CIA) baixo o lema: Empoderar os Arquivos.

Neste contexto inscríbese a conferencia impartida polo ex-director do Arquivo Municipal de Pontevedra, Enrique Sotelo Resurrección.

Licenciado en Filosofía e Letras (especialidade Historia) pola Universidade de Santiago de Compostela, traballou en diversos arquivos e desde 1994 desenrolou a súa labor no arquivo municipal de Pontevedra, en calidade de Xefe de Servizo, ata a súa xubilación o pasado 2019. Colaborou en varios grupos e mesas de traballo sobre arquivos e é coautor de varias publicacións referidas ao mundo da arquivística. Traballou e traballa en distintos aspectos da historia local pontevedresa, destacando publicacións como Pontevedra, vila amurallada; Pontevedra. 1840-1915; As fontes de ferro pontevedresas... Pero tamén innumerables artigos sobre a cidade como: Un paseo pola muralla pontevedresa, Breve reseña histórica do barrio de San Roque, Informe sobre o convento de Santo Domingo, O edificio municipal da Praza da Verdura, Fontes documentais para a historia de Pontevedra... Todo iso convérteo nun especialista coñecedor da vida dos barrios pontevedreses.

A conferencia poderáse seguir en directo no canal Youtube do Arquivo Historico Provincial de Pontevedra.