Evento: I Conferencia española de promoción do coñecemento sobre o océano

A I Conferencia española de promoción do coñecemento sobre o océano celebrarase o próximo 24 de febreiro organizada polo Centro Tecnolóxico do Mar-Fundación CETMAR no marco do proxecto ICONA Iniciativa para a promoción da cultura mariña e o Coñecemento do Océano. A pesca e a acuicultura como sectores emblemáticos da economía azul en España.

O obxectivo da conferencia, que se desenvolverá en formato virtual, é expoñer os avances en materia de divulgación mariña, facilitar a colaboración entre as organizacións involucradas neste ámbito e tentar definir unha estratexia para seguir avanzando.

Especialmente dirixida a toda a comunidade de organizacións que realizan actividades de divulgación e educación sobre o medio mariño, a asistencia á xornada, que incluirá sesións de mañá e tarde, é gratuíta, aínda que será necesario rexistrarse (https://www.cetmar.org/seminarios/icono-febreiro-2021/). A axenda da conferencia estará dispoñible proximamente no mesmo ligazón facilitada para o rexistro.

A I Conferencia española de promoción do coñecemento sobre o océano? é unha actividade do proxecto ICONA, que lidera a Fundación CETMAR, e cuxo obxectivo é promover a cultura mariña e o coñecemento do océano entre todos os estamentos da sociedade, aproveitando o esforzo divulgador e formativo que se está facendo no noso país, co fin de incrementar a súa visibilidade e impacto.

ICONA está financiado pola Fundación Biodiversidade, do Ministerio para a Transición Ecolóxica e o Reto Demográfico, a través do Programa pleamar, cofinanciado polo Fondo Europeo Marítimo e de Pesca (FEMP).